മുസ്വഫ ഐ.സി.എഫ്

ആരോഗ്യ ബോധവത്കരണ ക്ലാസ് & ഫ്രീ മെഡിക്കല്‍ ചെക്‌അപ്

2011-07-27T16:17:00.000+04:00

മുസ്വഫ്വ ഐ.സി.എഫും ലൈഫ് ലൈന്‍ ഹോസ്പിറ്റലും സം‌യുക്തമായി ആരോഗ്യ ബോധവത്കരണ ക്ലാസും സൗജന്യ വൈദ്യപരിശോധനാ ക്യാമ്പും സംഘടിപ്പിക്കുന്നു.

മുസ്വഫ ലൈഫ് ലൈന്‍ ഹോസ്പിറ്റലില്‍ 29-07-2011 വെള്ളിയഴ്ച വൈകീട്ട് 4 മുതല്‍ 7 വരെയാണ്‌ സമയം. ഇബ്‌റാഹിം സഖാഫി കോട്ടൂരും പ്രമുഖ ഡോക്ടർമാരും ക്യാമ്പിൽ സംബന്ധിക്കുന്നതാണ്‌

അബ്ദുല്ലകുട്ടിഹാജിക്ക് യാത്രയയപ്പ് നല്കി

2011-07-08T09:08:00.003+04:00

37 വർഷത്തെ ഗൾഫ് ജീവിതം ;അബ്ദുല്ലകുട്ടിഹാജിനാട്ടിലേക്ക് മടങ്ങുന്നത് ചാരിതാർത്ഥ്യത്തോടെ.

മൂന്ന് പതിറ്റാണ്ടിലേറേ കാലത്തെ പ്രവാസജീവിതം അവസാനിപ്പിച്ച് നാട്ടിലേക്ക് വിശ്രമജിവിതത്തിനായിമടങ്ങുന്ന അബ്ദുല്ലകുട്ടിഹാജി (തൃശൂര്) ക്ക്മുസ്വഫഐ.സി.എഫ് കമ്മിറ്റിഊഷ്മളമായ യാത്രയയപ്പ് നല്കി.

തൃശൂർ ജില്ലയിലെകിഴുപ്പിള്ളിക്കരസ്വദേശിഅബ്ദുല്ലകുട്ടിഹാജി1974 ലാണ്ആദ്യമായിയു.എ.ഇയിൽഎത്തുന്നത്. ADOC (അഡോക്), NPCC, G.P.C, M.I.S ഷാർജതുടങ്ങിയകമ്പനികളിൽജോലിചെയ്തഅദ്ധേഹംകഴിഞ്ഞ 14 വർഷമായി GOGAS അബുദാബിയിൽ അസിസ്റ്റന്റ് മാനേജരായാണ്ജോലിചെയ്തിരുന്നത്.

മുസ്വഫഐ.സി.എഫ് ആക്ടിംഗ് പ്രസിഡണ്ട്, സുന്നിമദ്രസകളുടെചെയർമാൻ , ഐ.സി.എഫ്. യു.എ.ഇനാഷണൽ കമ്മിറ്റിഎക്സിക്യൂട്ടിവ്എന്നീനിലകളിൽ പ്രവർത്തിച്ചുവരികയായിരുന്നഅദ്ധേഹം നാട്ടിലേക്ക് മടങ്ങുന്നത് തന്റെനിഷ്കളങ്കവുംആത്മാർത്ഥവുംമാതൃകാപരവുമായപ്രവർത്തനങ്ങൾ കാഴ്ച വെച്ച് തികഞ്ഞ ചാരിതാർത്ഥ്യത്തോടെയാണ്.

നളന്ദ സ്കൂൾ കിഴുപ്പിള്ളിക്കരയിൽ സ്കൂൾ വിദ്യഭ്യാസവും ,തുടർന്ന് തൃശൂർ എഞ്ചിനീയറിംഗ് കോളേജിൽ നിന്ന് 1970 ൽമെക്കാനിക്കൽ എഞ്ചിനീയറിംഗ്ഡിഗ്രിയുംകരസ്ഥമാക്കിയ ഹാജി. ഇപ്പോൾ താമസിക്കുന്നമൂത്തേടത്തറ–പെരിങ്ങോട്ടുകരമഹല്ല് വെൽഫയർ കമ്മിറ്റിഅബുദാബിപാട്രേൺ, അൽ ബാസ് ചാരിറ്റബിൾ ട്രസ്റ്റ്കാട്ടൂർവൈസ് ചെയർമാൻ എന്നീസ്ഥാനങ്ങളുംവഹിച്ചുവരുന്നു.

മുസ്വഫ ഐ.സി.എഫ് ഉപഹാരം മുസ്തഫ ദാരിമി കടാങ്കോടും ,ഹൈദർ മുസ്‌ലിയാർ ഒറവിലും ചേർന്ന് നൽകുന്നു. അബ്ദുൽ ഹമീദ് സ‌അദി ഈശ്വര മംഗലം, അബ്ദുൽ ഹമീദ് ശർവാനി തുടങ്ങിയവർ സമീപം

ആദ്യമായിയു.എ.ഇയിലെക്കെത്തിയത് ദ്വാരക എന്ന കപ്പലിലായിരുന്നുവെന്നും യുഎ.ഇയുടെ പടിപടിയായുള്ള വളർച്ചയും ഉയർച്ചയുംനേരിൽ കണ്ട് അനുഭവിക്കാനും അവസരമുണ്ടായതായും അബ്ദുല്ലകുട്ടിഹാജി പറഞ്ഞു. ഏറെ കാലമായികുടുംബത്തോടൊപ്പം മുസ്വഫയിലാണ്താമസിക്കുന്നത്. രണ്ട്പെണ്മക്കൾ വിവാഹിതരായി ഒരാൾ മസ്കറ്റിലും ഒരാൾ നാട്ടിലും ഭർത്താവിനൊപ്പം കഴിയുന്നു.

അബ്ദുല്ലകുട്ടിഹാജിയുടെ നിസ്വാർത്ഥ സേവനത്തെ ആദരിച്ച് കൊണ്ട് മുസ്വഫ ഐ.സി.എഫ് ഉപഹാരം വാദിഹസനിൽ ചേർന്ന യാത്രയയപ്പ് യോഗത്തിൽ വെച്ച് മുസ്തഫ ദാരിമി കടാങ്കോടും ,ഹൈദർ മുസ്‌ലിയാർ ഒറവിലും ചേർന്ന് നൽകി. മുസ്തഫദാരിമിഅദ്ധ്യക്ഷതവഹിച്ചു.അബ്ദുൽ ഹമീദ്സഅദി, ഹൈദർമുസ്ലിയാർഒറവിൽ,കെ.കെ.എം. സഅദി, അബൂബക്കർ മുസ്ലിയാർ ഓമച്ചപ്പുഴ, അബ്ദുൽ ഹമീദ് ശർവാനി,അഷറഫ്ബാഖവി,ബഷീർ വെള്ളറക്കാട് തുടങ്ങിയവർആശംസകൾ നേർന്ന് സംസാരിച്ചു.

musafa ICF news

കുടുംബ ബന്ധങ്ങൾ ഊട്ടിയുറപ്പിക്കുക ;ഖലീൽ തങ്ങൾ

2011-06-25T20:16:00.002+04:00

മുസ്വഫ മജ്‌ലിസുന്നൂർ സ്വലാത്തുന്നാരിയ അഞ്ചാം വാർഷിക സമ്മേളനത്തോടനുബന്ധിച്ച് നടന്ന കുടുംബ സംഗമത്തിൽ സയ്യിദ് ഖലീൽ തങ്ങൾ മുഖ്യ പ്രഭാഷണം നടത്തുന്നു.

അയൽബന്ധങ്ങളും കുടുംബബന്ധങ്ങളും ഊട്ടിയുറപ്പിക്കാൻ ജാഗ്രതപാലിക്കണമെന്ന് മഅദിൻ ചെയർമാൻ സയ്യിദ് ഇബ്‌റാഹിം ഖലീലുൽ ബുഖാരി തങ്ങൾ ആഹ്വാനം ചെയ്തു. മുസ്വഫ മജ്ലിസുന്നൂർ സ്വലാത്തുന്നാരിയ അഞ്ചാം വാർഷികത്തോടനുബന്ധിച്ച് എമിറേറ്റ്സ് ഫ്യൂച്ചർ അക്കാദമി ഓഡിറ്റോറിയത്തിൽ നടന്ന കുടുംബ സംഗമത്തിൽ മുഖ്യപ്രഭാഷണം നടത്തുകയായിരുന്നു തങ്ങൾ.

നല്ലകുടുംബങ്ങൾ നല്ല സമൂഹത്തിന്റെ സൃഷ്ടിപ്പിന്‌ അത്യന്താപേക്ഷിതമാണ്‌.കുടുംബബന്ധങ്ങളും അയൽ ബന്ധങ്ങളും കാത്ത്സൂക്ഷിക്കുന്നതിൽ നമ്മുടെ പൂർവീകർ കാണിച്ച് തന്ന മാതൃക നാംമറക്കരുത്. കുടുംബബന്ധങ്ങൾ നിലനിർത്തുന്നതിൽ ഭാര്യ ഭർക്കന്മാർ പരസ്പരം ഉണർത്തേണ്ടതുണ്ട്. കൂടുമ്പോൾ ഇമ്പമുണ്ടാകുന്നതിനു പകരം ഭൂകമ്പമാണ് പലയിടത്തും ദർശിക്കുന്നത്. അതിനൊരു മാറ്റമുണ്ടാവണം. ചുരുങ്ങിയദിവസങ്ങളുടെ അവധിയിൽ നാട്ടിൽ പോകുന്ന പ്രവാസികൾ തങ്ങളുടെ കുടുംബങ്ങളുമായി സമ്പർക്കം പുലർത്താൻ ദിവസം കണ്ടെത്തണമെന്നും ഖലീൽ തങ്ങൾ പറഞ്ഞു.

ഐ.സി.എഫ് മുസ്വഫയുടെ കീഴിൽ വനിതകൾക്കായി നടപ്പിലാക്കാൻ ഉദ്ദേശിക്കുന്ന ട്രൈനിംഗ്പദ്ധതിയുടെ പ്രഖ്യാപവും സംഗമത്തൽ നടന്നു.

ഐ.സി.എഫ്.യു.എ.ഇനാഷണൽ പ്രസിഡന്റ് മുസ്തഫ ദാരിമി അദ്ധ്യക്ഷത വഹിച്ച സംഗമം കൂറ്റമ്പാറ അബ്ദുറഹ്മാൻ ദാരിമി ഉത്ഘാടനം ചെയ്തു. അബ്ദുൽ ഹമീദ് സഅദി ഈശ്വരമംഗലം ,ഡോ.ഷാജു ജമാലുദ്ദീൻ, ഡോ. അബ്ദുസലാം തുടങ്ങിയവർ പ്രസംഗിച്ചു.

ഇശാനിസ്കാരത്തിനു ശേഷം ഐകാഡ് പള്ളിയിൽ നടന്ന നാരിയസ്വലാത്ത് അഞ്ചാംവാര്‍ഷിക ദുആ സമ്മേളനത്തിന്‌ ഖലീൽ തങ്ങൾ നേതൃത്വം നല്‍കി.

മീലാദ് ഫെസ്റ്റ് 2011 സപ്ളീമെന്റ്

2011-03-02T22:52:00.001+04:00

മുസ്വഫ ഐ.എസി.എഫ്. മീലാദ് ഫെസ്റ്റ് 2011 നോടനുബന്ധിച്ച് സിറാജിൽ പ്രസിദ്ധീകരിച്ച മിലാദ് സപ്ളീമെന്റ്

meelad-suppliment-2011

മുസ്വഫ ഐ.സി.എഫ് മീലാദ് ഫെസ്റ്റ് 2011 ചിത്രങ്ങൾ

2011-02-28T23:13:00.001+04:00

മുസ്വഫ ഐ.സി.എഫ് മീലാദ് ഫെസ്റ്റ് ഇന്ന്

2011-02-26T09:58:00.002+04:00

മുസ്വഫ ഐ.സി.എഫ് മീലാദ് ഫെസ്റ്റ് ഇന്ന്

ഇ.കെ. ഹസൻ മുസ്ലിയാർ അവാർഡ് ദാന ചടങ്ങ്

2010-12-01T23:46:00.002+04:00

മുസ്വഫ എസ്.വൈ.എസ്. & മജ്ലിസുന്നൂർ സംയുക്തമായി ഏർപ്പെടുത്തിയ ഇ.കെ. ഹസൻ മുസ്ലിയാർ മെമ്മോറിയൽ അവാർഡ് യുവ പണ്ഡിതനും പ്രാസംഗികനുമായ കെ.കെ.എം. സഅദിക്ക് നല്കുന്നു. കൂടാതെ സർവീസ് എക്സലൻസി അവാർഡിനർഹരായ അബൂബക്കർ മുസ്ലിയാർ ഓമച്ചപ്പുഴ, അബ്ദുൽ ഹമീദ് മുസ്ലിയാർ ചിയ്യൂർ എന്നിവർക്കും ചടങ്ങിൽ വെച്ച് സർട്ടിഫിക്കറ്റ് നല്കി ആദരിച്ചു.

ശ്രേഷ്ഠമായത് തിരിച്ചറിയാൻ വിശ്വാസികൾക്ക് കഴിയണം; ഖലീൽ തങ്ങൾ

2010-08-25T09:31:00.005+04:00

സയ്യിദ് ഇബ്‌റാഹിം ഖലീലുൽ ബുഖാരി തങ്ങൾ ഉത്ബോധനപ്രസംഗം നടത്തുന്നു

അബുദാബി: മദീനയിൽനിന്നടിച്ച് വീശുന്ന കാറ്റിനെ വേർതിരിച്ചറിയാനും അതിന്റെ സുഗന്ധം അനുഭവിക്കാനും പ്രവാചകപ്രേമികളാ‍യ വിശ്വാസികൾക്ക് കഴിയണമെന്ന് സയ്യിദ് ഇബ്‌‌റാഹിം ഖലീൽ തങ്ങൾ പറഞ്ഞു. പ്രവാചക പ്രേമത്തിന്റെ തേനരുവിയായ ബുർദ:ശരീഫിന്റെ മലയാള വ്യഖ്യാനം “ഖസീദത്തുൽ ബുർദ: അശയം, അനുരാഗം,അടിയൊഴുക്കുകൾ“ എന്ന പുസ്തകത്തിന്റെ ആദ്യകോപ്പി ഡോ.ഷാജു ജമാലുദ്ദീന് നൽകി പ്രകാശനം ചെയ്ത് സംസാരിക്കുകയയിരുന്നു തങ്ങൾ.

പ്രവാചക പ്രേമികളായിരുന്ന ഇമാമുകളുടെയും സൂഫികളുടെയും ചരിത്രം പഠിച്ചാൽ അവരെല്ലാം ആ സുഗന്ധം അനുഭവിക്കുകയും ആസ്വദിക്കുകയും ആദരിക്കുകയും ചെയ്തവരായിരുന്നുവെന്ന് കാണാം. അവരുടെ പാത പിൻപറ്റി ജീവിതം ചിട്ടപ്പെടുത്തിയാൽ ഏവർക്കും ആ ഭാഗ്യം ലഭിക്കും. തിരുശേഷിപ്പുകളിൽ നിന്നുള്ള അനുഭവം വിവരിച്ച് കൊണ്ട് ഖലീൽ തങ്ങൾ പറഞ്ഞു

“ഖസീദത്തുൽ ബുർദ: അശയം, അനുരാഗം,അടിയൊഴുക്കുകൾ“ എന്ന പുസ്തകത്തിന്റെ പ്രകാശനം ഡോ.ഷാജു ജമാലുദ്ദിന് ആദ്യ കോപ്പി നൽകി ഖലിൽ തങ്ങൾ നിർവഹിക്കുന്നു. വലത്ത് നിന്ന് ഗ്രന്ഥകർത്താവ് ബഷീർ ഫൈസി വെണ്ണക്കോട്, ഗഫ്ഫർ സ‌അദി, മുസ്തഫ ദാരിമി കടാങ്കോട്,അബുദുൽ ഹമീദ് സ‌അദി ഈശ്വരമംഗലം

ബഷീർ ഫൈസി വെണ്ണക്കോട് പുസ്തകം പരിചയപ്പെടുത്തി സംസാരിക്കുന്നു

പ്രമുഖ ചിന്തകനും എഴുത്തുകാരനും വാഗ്മിയുമായ ബഷീർ ഫൈസി വെണ്ണക്കോട് രചന നിർവഹിച്ച മഹത്‌കൃതി മുസ്വഫ സ്വലാത്തുന്നൂർ മജ്ലിസ് ആണ് പ്രസിദ്ധികരിക്കുന്നത്. ബുർദ: ശരീഫിലെ വരികളിൽ പ്രതിപാദിക്കപ്പെടുന്ന ചരിത്ര സത്യങ്ങളും ആത്മീയതയും പ്രവാചക പ്രേമവും ഹദീസുകളുടെ പിൻബലത്തിൽ വിവരിച്ച് കൊണ്ട് അറുപതിൽ പരം ചരിത്രപരമായ ചിത്രങ്ങൾ ഉൾപ്പെടുത്തി 360 ൽ പരം പേജുകളിലായി ബൃഹത്തായ രൂപത്തിലാണ് പുസ്തകം തയ്യാറാക്കിയിട്ടുള്ളതെന്ന് പുസ്തകം പരിചയപെടുത്തി ബഷീ‍ർ ഫൈസി വെണ്ണക്കോട് പറഞ്ഞു.

മുസ്വഫ എസ്.വൈ.എസ്. മുദരിസ് കെ.കെ.എം.സ‌അദി

ഗഫ്ഫാർ സ‌അദി

മുസ്തഫ ദാരിമി കടാങ്കോട് , അബ്ദുൽ ഹമീദ് സ‌അദി ഈശ്വര മംഗലം,.കെ.കെ.എം. സ‌അദി ,ഗഫാർ സ‌അദി തുടങ്ങിയവർ ആശംസപ്രസംഗം നടത്തി. നിരവധി പൌരപ്രമുഖരും പരിപാടിയിൽ പങ്കെടുത്തു.

musafa SYS

ഖസീദത്തുൽ ബുർദ: , ഖലീൽ തങ്ങൾ പ്രകാശനം ചെയ്യും

2010-08-23T09:32:00.007+04:00

പ്രവാചകപ്രേമമാണ് ഈമാനിന്റെ അടിസ്ഥാനം. ഈമാനുള്ളവർ മദീനയിലേക്ക് ദാഹിക്കും.മുത്തുനബിയിലെക്കും മദീനയിലേക്കുമുള്ള വഴികാട്ടിയാണ് ബുർദ ശരീഫ്

ബുർദയുടെ പ്രണയ വീചികൾക്ക് ചാലുകൾ കീ‍റി ഹൃദയത്തിന്റെ അടിത്തട്ടിലേക്ക് പ്രവാചകാനുരാഗത്തിന്റെ അനുസ്യൂതമായ പ്രവാഹം തീർക്കുന്ന ,മതവും സാഹിത്യവും ശാസ്ത്രവും വൈകാരികതയും ഒന്നിച്ച കൈകോർക്കുന്ന ഒരത്യപൂർവ്വ കൃതി

ഖസീദത്തുൽ ബുർദ വ്യാഖ്യാനം
ഇന്ന് മഹത്തായ പ്രകാശന കർമ്മം

മുസ്വഫ സ്വലാത്തുനൂ‍ർ മജ്‌ലിസിൽ
സയ്യിദ് ഇബ്‌റാ‍ഹിം ഖലീലുൽ ബുഖാരി തങ്ങൾ നിർവഹിക്കുന്നു.
ഡോ.ഷാജു ജമാലുദ്ദീൻ ആദ്യ കോപ്പി സ്വീകരിക്കുന്നു.

പ്രമുഖ പണ്ഡിതന്മാർ, പൌരപ്രമുഖർ സംബന്ധിക്കും

സ്വലാത്തുന്നാരിയ നാലാം വാർഷിക സംഗമം നടന്നു

2010-07-03T12:17:00.005+04:00

എല്ലാ തിങ്കളാഴ്ചകളിലും ഇശാ നിസ്കാര ശേഷം മുസ്വഫയി നടന്നു വരുന്ന സ്വലാത്തുന്നാരിയ മജ്‌ലിസ് നാലാം വാർഷിക മഹാ സംഗമത്തിൽ സയ്യിദ് ഇബ്‌റാഹിം ഖലീലുൽ ബുഖാരി തങ്ങൾ മുഖ്യ പ്രഭാഷണം നടത്തി.

നിരവധി പണ്ഡിതന്മാരും പൌരപ്രമുഖരും പരിപാടിയിൽ പങ്കെടുത്തു. സ്വലാത്ത് മജ്‌ലിസിൽ മുസ്തഫ ദാരിമി കടാങ്കോടിനെ മദീന മുനവ്വറയിൽ നിന്ന് പ്രത്യേകം കൊണ്ടു വന്ന ഷാൾ അണിയിപ്പിച്ച് ആദരിക്കുകയും ഉപഹാരം നൽകുകയും ചെയ്തു.

ഇ.കെ. ഹസൻ മുസ്‌ലിയാർ സ്മാരക അവാർഡ് പ്രഖ്യാപനം ഖലീൽ തങ്ങൾ നടത്തി പ്രമുഖ പണ്ഡിതൻ കെ.കെ.എം.സ‌അദി യാണ് അവാർഡിനർഹൻ.

മുസ്വഫ എസ്.വൈ.എസ്.

സ്വലാത്ത് വാർഷികം മുസ്വഫയിൽ :ഖലീൽ തങ്ങൾ സംബന്ധിക്കും

2010-06-30T11:27:00.001+04:00

സ്വലാത്തുന്നാ‍രിയ നാലാം വാർഷിക മഹാ സംഗമം

മുസ്വഫയിൽ (02/07/2010 ) വെള്ളിയാഴ്ച

സയ്യിദ് ഇബ്‌റാഹിം ഖലീലുൽ ബുഖാരി നേതൃത്വം നൽകുന്നു.

കഴിഞ്ഞ നാല്‌ വർഷമായി എല്ലാ തിങ്കളാഴ്ചകളിലും ഇശാ നിസ്കാര ശേഷം മുസ്വഫ എസ്‌.വൈ.എസ്‌ നടത്തിവരുന്ന ആത്മീയ വേദിയായ സ്വലാത്തുന്നാരിയ മജ്ലിസിൽ കേരളത്തിലേയും, ഇന്ത്യയിലെ മറ്റ്‌ സംസ്ഥാനങ്ങളിലേയും യു.എ.ഇ യിലേയും മറ്റ്‌ അറബ്‌ നാടുകളിലേയും സാദാത്തീങ്ങളുടെയും ,പണ്ഡിതന്മാരുടെയും, സംഘടനാ സാരഥികളുടെയും സാന്നിദ്ധ്യവും പ്രാർത്ഥനയും ഉത്ബോധനവും എന്നും സജീവമാണ്‌. ഭൗതികമായി മനുഷ്യൻ എത്ര ഉന്നതിയിലെത്തിയാലും യഥാർത്ഥ ശാന്തിയും, സമാധാനവും സമ്പാദ്യവും ഇത്തരം ആത്മീയ വേദികളാണെന്ന്‌ തിരിച്ചറിഞ്ഞ ഉന്നത വ്യക്തിത്വങ്ങൾ സാധാരണക്കാരായ പ്രവാസികൾക്കൊപ്പമിരുന്ന്‌ സ്വലാത്തിന്റെ മാധുര്യം അനുഭവിക്കുന്ന കാഴ്ചകൾ കണ്ണിനും കരളിനും കുളിർമ്മയേകുന്നതാണ്‌.

നാല്‌ വർഷങ്ങൾക്ക്‌ മുമ്പ്‌, റജബ്‌ മാസത്തിൽ അജ്മീർ ഖ്വാജാ തങ്ങളുടെ ആണ്ടിനോടനുബന്ധിച്ച്‌ സയ്യിദ് ഖലീൽ ബുഖാരി തങ്ങളുടെ ഇജാസത്തോടെ തുടക്കം കുറിച്ച മഹനീയ വേദിയിൽ നിന്ന്( വിവിധ മതസ്തരും ഭാഷാ ദേശക്കാരുമായ സഹോദരീ സഹോദരന്മാർ സ്വലാത്ത് മജ്ലിസിലെ ‘ഗരീബ്‌ നവാസ്‌’ ഫണ്ടിലേക്ക്‌ നൽകുന്ന ചെറുതും വലുതുമായ സംഭാവനകൾ സ്വരൂപിച്ച് ) കേരളത്തിലേയും ഇന്ത്യയിലെ വിവിധ സംസ്ഥാനങ്ങളിലേയും, മറ്റ്‌ രാജ്യങ്ങളിലേയും അർഹരായവർക്ക്‌, മാരകമായ രോഗ ചികിത്സക്കും, പെൺമക്കളുടെ വിവാഹ ആവശ്യത്തിലേക്കും , വീട്‌ നിർമ്മാണത്തിനുമായി വിതരണം ചെയ്ത് വരുന്നു.

മുസ്വഫയിൽ 02/07/2010 നു വെള്ളിയാഴ്ച ‌നടക്കുന്ന സ്വലാത്ത്‌ മജ്ലിസ്‌ വാർഷിക സംഗമത്തിൽ സയ്യിദ്‌ ഖലീൽ തങ്ങളുടെ മഹനീയ സാന്നിദ്ധ്യവും പ്രാർത്ഥനയും ഉണ്ടായിരിക്കും. ‌ താങ്കളുടെയും സുഹൃത്തുക്കളുടെയും സാന്നിദ്ധ്യം ഈ മഹത്തായ വേദിയിലേക്ക്‌ സാദരം ക്ഷണിക്കുന്നു.

ഇമാം ശാഫി(റ) അനുസ്മരണപ്രഭാഷണം- ലൈവ്

2010-06-29T15:02:00.004+04:00

പ്രമുഖ പണ്ഡിതൻ കെ.കെ.എം. സ‌അദി ഇന്ന് (29/06/2010 ) രാത്രി യു എ ഇ സമയം പതിനൊന്നുമണിക്ക് കേരള മലബാര്‍ ഇസ്ലാമിക്‌ ക്ലാസ്സ്‌ റൂമില്‍ ഇമാം ശാഫി (റ) അനുസ്മരണ പ്രഭാഷണം നടത്തുന്നു.

കൂടുതൽ വിവരങ്ങൾക്ക് സന്ദർശിക്കുക

http://www.sunnionlineclass.com/

കെ.കെ.എം. സ‌അദിയുടെ ഹദീസ് ക്ലാസ് ഇന്ന് മുസ്വഫയിൽ

2010-04-27T10:16:00.002+04:00

പ്രമുഖ യുവ പണ്ഢിതൻ കെ.കെ.എം. സ‌അദി നയിക്കുന്ന ഇസ്‌ലാമിക പഠന ക്ലാസുകൾ മുസ്വഫയിൽ ഇന്ന് പുനാരാരംഭിക്കുന്നതാണ്. ഇന്ന് രാത്രി ഇ‌ശാ നിസ്കാര ശേഷം മുസ്വഫ ‌ശ‌അബിയ ഖലീഫ സെക്റ്റർ 10 ലെ വലിയ പള്ളിയിൽ ഹദീസ് പഠന ക്ലാസ് ഉണ്ടായിരിക്കുന്നതാണെന്ന് സംഘാടകർ അറിയിച്ചു.

ഉംറ സിയാറത്ത്‌ യാത്ര മെയ് 5 ന്

2010-04-05T09:21:00.002+04:00

പരിശുദ്ധ ഉംറ സിയാറത്ത്‌ യാത്ര അബുദാബി മുസ്വഫയിൽ നിന്നും പ്രമുഖ യുവ പണ്ഡിതൻ കെ.കെ.എം. സ‌അദിയുടെ നേതൃത്വത്തിൽ മെയ്‌ 5 നു പുറപ്പെടുന്നു

കൂടുതൽ വിവരങ്ങൾക്ക്‌ : 055-8027214

ഹംൽതു ബിൻ കറം അബുദാബി

ബറാഅത്ത് ദുആ മജ്‌ലിസ്

2009-08-06T19:48:00.000+04:00

മുസ്വഫ എസ്.വൈ.എസ് സംഘടിപ്പിച്ച് ബറാ‍അത്ത് ദുആ സംഗമത്തിൽ അബ്ദുൽ ഹമീദ് ശർവാനി ഉത്ബോധന പ്രസംഗം നടത്തുന്നു. മുസ്വഫയിൽ ശഅബിയ, സനാഇയ്യ ,ഐകാഡ് സിറ്റ് തുടങ്ങിയ ഏരിയയിൽ ദുആ മജ് ലിസുകൾ നടന്നു. പ്രമുഖ പണ്ഡിതർ സംബന്ധിച്ചു

മയ്യിത്ത്‌ നിസ്കാരവും കൂട്ടുപ്രാർത്ഥനയും സംഘടിപ്പിച്ചു.

2009-08-03T09:11:00.002+04:00

മുസ്വഫ:

പാണക്കാട്‌ സയ്യിദ്‌ മുഹമ്മദലി ശിഹാബ്‌ തങ്ങൾക്ക്‌ വേണ്ടി മുസ്വഫയിൽ മയ്യിത്ത്‌ നിസ്കാരവും കൂട്ടു പ്രാർത്ഥനാ വേദിയും സംഘടിപ്പിച്ചു. മുസ്വഫ എസ്‌.വൈ.എസ്‌ രണ്ട്‌ മാസം കൂടുമ്പോൾ സംഘടിപ്പിക്കുന്ന 70000 ദിക്‌ർ ചൊല്ലിദു ആ ചെയ്യുന്ന വേദി , ശിഹാബ്‌ തങ്ങൾ ക്കായി സമർപ്പിക്കപ്പെടുകയായിരുന്നു.

സയ്യിദ്‌ താഹിറുൽ അഹ്ദൽ തങ്ങൾക്കു വേണ്ടിയും പ്രത്യേകം പ്രാർത്ഥന നടത്തി. മുസ്വഫയിൽ ഐകാഡ്‌ സിറ്റി വലിയ പള്ളിയിൽ ഇശാ നിസ്കാര ശേഷം നടന്ന വേദിയിൽ മുസ്വഫ എസ്‌.വൈ.എസ്‌. നേതാക്കൾക്കും പ്രവർത്തകർ ക്കു പുറമെ എസ്‌.കെ. എസ്‌.എസ്‌. എഫ്‌ ന്റെയും കെ.എം.സി.സി. യുടെ യും പ്രവർത്തകരും അനുഭാവികളും പങ്കെടുത്തു.

രാഷ്ടീയ അഭിപ്രായങ്ങൾക്കധിതമായി ഏവരുടെയും ആദരവ്‌ നേടിയ മഹത്‌ വ്യക്തിത്വമായിരുന്നു ശിഹാബ്‌ തങ്ങളുടേത്. സുന്നി മുസ്ലിം സമൂഹം എന്നും സയ്യിദ്‌ കുടുംബങ്ങളെ ആദരിക്കുകയും ബഹുമാനിക്കുകയും ചെയ്ത പാരമ്പര്യമാണുള്ളതെന്നും , യമനിൽ നിന്ന് വന്ന് കേരളത്തിൽ വാസമുറപ്പിച്ച അനേകം മഹത്തുക്കളുടെ പരമ്പരയിൽ ഒരാളായ ശിഹാബ്‌ തങ്ങളെ എക്കാലവും സുന്നി സമൂഹം ആദരവോടെ സ്മരിക്കുമെന്നും , ശിഹാബ്‌ തങ്ങളുടെ വിയോഗത്തോടെ ഇന്ത്യൻ മുസ്ലിംകൾക്ക്‌ മാത്രമല്ല ഇന്ത്യൻ ജനതയ്ക്ക്‌ മുഴുവൻ ഒരു സമാധാന ദൂതനെയാണ്‌ നഷ്ടമായിരിക്കുന്നതെന്നും അനുസ്മരണ പ്രഭാഷണങ്ങളിൽ വിലയിരുത്തപ്പെട്ടു.

ശിഹാബ് തങ്ങൾക്ക് വേണ്ടി ഇന്ന് പ്രാർത്ഥനാ വേദികൾ

2009-08-02T12:56:00.005+04:00

മുസ്വഫ:

ഇന്ത്യൻ യൂനിയൻ മുസ്ലിം ലീഗ്‌ സംസ്ഥാന പ്രസിഡണ്ട്‌ പാണക്കാട്‌ സയ്യിദ്‌ മുഹമ്മദലി ശിഹാബ്‌ തങ്ങളുടെ ആകസ്മിക നിര്യാണത്തിൽ മുസ്വഫ എസ്‌.വൈ.എസ്‌. കമ്മിറ്റി അനുശോചിച്ചു. എല്ലാ വിഭാഗം ജനങ്ങളുടെയും ആദരവ്‌ നേടിയ വ്യക്തിത്വമായിരുന്നു ശിഹാബ്‌ തങ്ങളുടേതെന്ന്‌ അനുശോചന സന്ദേശത്തിൽ പറഞ്ഞു. പ്രസിഡണ്ട്‌ ഹൈദർ മുസ്ലിയാർ, വർക്കിംഗ്‌ പ്രസിഡണ്ട്‌ മുസ്തഫ ദാരിമി, ജന.സെക്രട്ടറി അബ്ദുൽ ഹമീദ്‌ സഅദി ഈശ്വര മംഗലം തുടങ്ങിയവർ സംബന്ധിച്ചു.

ഇന്ന്‌ മുസ്വഫ ഐകാഡ്‌ സിറ്റി വലിയ പള്ളിയിൽ ഇശാ നിസ്കാര ശേഷം നടക്കുന്ന ദിക്ർ മജ്ലിസിൽ ശിഹാബ്‌ തന്നൾക്ക്‌ വേണ്ടി പ്രത്യേകം പ്രാർത്ഥനയും മയ്യിത്ത്‌ നിസ്കാരവും സംഘടിപ്പിക്കുന്നതാണ്‌.

അബുദാബി: എസ്‌.വൈ.എസ്‌ കമ്മിറ്റി ഇന്ന്‌ രാതി ഇശാനിസ്കാര ശേഷം മദീനാ സായിദിലെ ന്യൂ മെഡിക്കൽ സെന്ററിനു സമീപമുള്ള ബിൻഹമൂദ മസ്ജിദിൽ മയ്യിത്ത്‌ നിസ്കാരം സംഘടിപ്പിക്കുന്നതാണ്.

ദുബൈ :

പാണക്കാട് സയ്യിദ് മുഹമ്മദലി ശിഹാബ്‌ തങ്ങള്‍ക്ക് വേണ്ടി ഇന്ന് രാത്രി 10 മണിക്ക് അല്‍ ഗുരൈര്‍ മസ്ജിദില്‍ (naif souk) സംഘ്ടിപ്പിക്കുന്ന മയ്യിത്ത്‌ നിസ്കാരത്തില്‍ മുഴുവന്‍ SYS, RSC പ്രവര്‍ത്തകരും പങ്കെടുക്കണമെന്ന് മമ്പാട്‌ ഉസ്താദ്‌ അറിയിക്കുന്നു.

by :

ഫിറോസ്

കുഞ്ഞിമൊയ്തു കാവപ്പുര

അബൂബക്കർ മുസ്ലിയാർ ഓമച്ചപ്പുഴ

ബറാ‍അത്ത് & സ്വലാത്ത് മജ്്ലിസ്

2009-08-01T12:48:00.001+04:00

ബറാ‍അത്ത് & സ്വലാത്ത് മജ്്ലിസ്

തിരഞ്ഞെടുത്ത പ്രഭാഷണങ്ങളുടെ വി.സി.ഡി കൾ

2009-07-29T11:49:00.004+04:00

മുസ്വഫ എസ്.വൈ.എസ്. വിശുദ്ധ റമളാനിൽ വിവിധ വിഷയങ്ങളിൽ പ്രഗത്ഭ പണ്ഡിതന്മാരുടെ തിരഞ്ഞെടുത്ത പ്രഭാഷണങ്ങൾ അടങ്ങിയ വി.സി.ഡി ഗിഫ്റ്റ് ആൽബം പുറത്തിറക്കുന്നു. ലിസ്റ്റ് താഴെ
മുസ്വഫ എസ്.വൈ.എസ്.

റമളാനിൽ ഉംറ സിയാറത്തിന് അവസരം

2009-07-28T13:48:00.001+04:00

റമളാനിൽ ഉംറ സിയാറത്തിന് അവസരം

ദ്വൈമാസ ദിക്‌ർ ഹൽഖ മുസ്വഫയിൽ ആഗസ്റ്റ് 2ന്

2009-07-28T13:46:00.001+04:00

ദ്വൈമാസ ദിക്‌ർ ഹൽഖ മുസ്വഫയിൽ ആഗസ്റ്റ് 2ന്

സ്വലാത്തുന്നാരിയ മൂന്നാം വാർഷിക സംഗമം

2009-07-18T20:45:00.003+04:00

സലാത്ത്‌ വാർഷിക സംഗമത്തിൽസയ്യിദ്‌ ഇബ്‌ റാഹിം ഖലീലുൽ ബുഖാരി തങ്ങൾ മുഖ്യ പ്രഭാഷണം നടത്തുന്നു

മുസ്വഫ എസ്‌.വൈ.എസ്‌. കഴിഞ്ഞ മൂന്ന് വർഷങ്ങളായി എല്ലാ തിങ്കളാഴ്ചകളിലും മുസ്വഫയിൽ സംഘടിപ്പിച്ചു വരുന്ന സ്വലാത്തുന്നാരിയ മജ്്ലിസിന്റെ മൂന്നാംവാർഷിക സംഗമം യു.എ.ഇ യുടെ വിവിധ എമിറേറ്റുകളിൽ നിന്നെത്തിയ വിശ്വാസികളാൽ തിങ്ങി നിറഞ്ഞ സദസ്സോടെ സമാപിച്ചു. മഅദിൻ ചെയർമാൻ സയ്യിദ്‌ ഇബ്‌റാഹിം ഖലീലുൽ ബുഖാരി തങ്ങൾ ഉത്ബോധനവും ദുആ മജ്്ലിസിന്റെ നേതൃത്വവും നൽകി.

സ്വലാത്ത്‌ വാർഷിക സംഗമത്തിന്റെ ഭാഗമായി റൗളാ ശരിഫിൽ നിന്ന് പ്രത്യേകം കൊണ്ടു വന്ന ഷാൾ അണിയിച്ച്‌ കൊണ്ട്‌ ഖലീൽ തങ്ങളെ ആദരിക്കൽ ചടങ്ങും നടന്നു.

യു.എ.ഇ അൽഐൻ യൂണിവേഴ്സിറ്റിയിൽ ആദ്യമായി പ്രവേശനം നേടുകയും പെട്രൊളിയം എഞ്ചിനീയറങ്ങിൽ ഉന്നത്‌ വിജയം കൈവരിക്കുകയും ചെയ്ത ഇന്ത്യക്കാരനും മലയാളിയുമായ ഷനൂഫ്‌ മുഹമ്മദിനും, ഇക്കഴിഞ്ഞ എസ്‌.എസ്‌.എൽ.സി പരീക്ഷയിൽ ഉന്നത വിജയം കരസ്ഥമാക്കിയ ഫർസീൻ മുഹമ്മദ്‌ , റാഷിദ അബ്ദുറഹ്മാൻ എന്നിവർക്കും മുസ്വഫ എസ്‌.വൈ.എസ്‌. ഉപഹാരം ഖലീൽ തങ്ങൾ നൽകി.ഖലീൽ തങ്ങളുടെ അഭിമുഖങ്ങൾ ഇംഗ്ലീഷിൽ വിവർത്തനം ചെയ്ത പുസ്തകത്തിന്റെ പ്രകാശനം മുസ്തഫ ദാരിമി നിർവ്വഹിച്ചു. മുസ്വഫ എസ്‌.വൈ.എസ്‌. ഉംറ സംഘത്തിന്റെ അമീർ കെ.കെ.എം. സഅദിയുടെ നേതൃത്വത്തിൽ മദീനയിലും , കാസർ കോഡ്‌ മുഹിമ്മാത്ത്‌, മഅദിൻ തുടങ്ങി ലോകത്തിന്റെ വിവിധ ഭാഗങ്ങളിൽ സ്വലാത്ത്‌ മജ്ലിസുകൾ ഐക്യദാർഢ്യം പ്രഖ്യാപിച്ച്‌ സംഘടിപ്പിക്കപ്പെട്ടു. ഇശാ നിസ്കാര ശേഷം തുടങ്ങാൻ തീരുമാനിച്ചിരുന്ന സംഗമത്തിന്‌ യു.എ. ഇയുടെ വിവിധ ഭാഗങ്ങളിൽ നിന്നുള്ളവർ അസർ നിസ്കാരത്തോടെ തന്നെ എത്തിച്ചേർന്ന് കൊണ്ടിരുന്നു. സംഘാടകരുടെ കണക്കുകൂട്ടലുകൾ തെറ്റിച്ച്‌ കൊണ്ട്‌ തിങ്ങി നിറഞ്ഞ സദസ്സ്‌ ആദ്യമവസാനം പരിപാടികളിൽ പങ്ക്‌ കൊണ്ട്‌ ആത്മ നിർവൃതിയോടെയാണ്‌ തിരിച്ച്‌ പോയത്‌. മസ്ജിദ്‌ ഇമാം കൂടിയായ മുസ്വഫ എസ്‌.വൈ.എസ്‌. വർക്കിംഗ്‌ പ്രസിഡണ്ട്‌ മുസ്തഫ ദാരിമി കടാംങ്കോട്‌ അദ്ധ്യക്ഷത വഹിച്ചു. അബ്‌ ദുൽ ഹമീദ്‌ സഅദി ഈശ്വര മംഗലം സ്വാഗതവും, പ്രോഫ. ഷാജു ജമാലുദ്ധീൻ നന്ദിയും രേഖപ്പെടുത്തിപ്രമുഖ പണ്ഡിതന്മാരും സാദാത്തിങ്ങളും പരിപാടിയിൽ സംബന്ധിച്ചു

കൂടുതൽ ചിത്രങ്ങൾ ഇവിടെ ക്ലിക് ചെയ്ത് കാണാം

റജബ് ഉംറ സിയാറത്ത് സംഘത്തിന് യാത്രയയപ്പ്

2009-07-18T10:18:00.002+04:00

റജബ് മാസത്തിൽ സംഘടിപ്പിച്ച ഉംറ സിയാറത്ത് യാത്രാ സംഘത്തിന് നൽകിയ യാത്രയയപ്പ് യോഗത്തിൽ അമീർ കെ.കെ.എം. സഅദി സംസാരിക്കുന്നു.

15-07-2009

മുസ്വഫയിൽ ഇന്ന് സ്വലാത്ത് വാർഷികം ;ഖലീൽ തങ്ങൾ നേതൃത്വം നൽകും

2009-07-17T05:25:00.000+04:00

17-07-2009
മുസ്വഫ എസ്.വൈ.എസ്. സ്വലാത്തുന്നാരിയ മജ്‌ലിസ് മൂന്നാം വാർഷിക സംഗമം ഇന്ന്
സിറാജിൽ പ്രസിദ്ധീകരിച്ച സപ്ലിമെന്റ് -ചിത്രത്തിൽ ക്ലിക് ചെയ്താൽ വലുതായി കാണാൻ സാധിക്കും

സ്വലാത്തുന്നാരിയ വാർഷികം; ഖലീൽ തങ്ങൾ സംബന്ധിക്കും

2009-07-15T11:50:00.000+04:00

17-07-2009 വെള്ളിയാഴ്ച -മുസ്വഫ സനാഇയ്യ യിൽ

കഴിഞ്ഞ മൂന്ന്‌ വർഷമായി എല്ലാ തിങ്കളാഴ്ചകളിലും ഇശാ നിസ്കാര ശേഷം മുസ്വഫ എസ്‌.വൈ.എസ്‌ നടത്തിവരുന്ന ആത്മീയ വേദിയായ സ്വലാത്തുന്നാരിയ മജ്ലിസിൽ കേരളത്തിലേയും, ഇന്ത്യയിലെ മറ്റ്‌ സംസ്ഥാനങ്ങളിലേയും യു.എ.ഇ യിലേയും മറ്റ്‌ അറബ്‌ നാടുകളിലേയും സാദാത്തീങ്ങളുടെയും ,പണ്ഡിതന്മാരുടെയും, സംഘടനാ സാരഥികളുടെയും സാന്നിദ്ധ്യവും പ്രാർത്ഥനയും ഉത്ബോധനവും എന്നും സജീവമാണ്‌. ഭൗതികമായി മനുഷ്യൻ എത്ര ഉന്നതിയിലെത്തിയാലും യഥാർത്ഥ ശാന്തിയും, സമാധാനവും സമ്പാദ്യവും ഇത്തരം ആത്മീയ വേദികളാണെന്ന്‌ തിരിച്ചറിഞ്ഞ ഉന്നത വ്യക്തിത്വങ്ങൾ സാധാരണക്കാരായ പ്രവാസികൾക്കൊപ്പമിരുന്ന്‌ സ്വലാത്തിന്റെ മാധുര്യം അനുഭവിക്കുന്ന കാഴ്ചകൾ കണ്ണിനും കരളിനും കുളിർമ്മയേകുന്നതാണ്‌.

മൂന്ന്‌ വർഷങ്ങൾക്ക്‌ മുമ്പ്‌, റജബ്‌ മാസത്തിൽ അജ്മീർ ഖ്വാജാ തങ്ങളുടെ ആണ്ടിനോടനുബന്ധിച്ച്‌ സയ്യിദ ഖലീൽ ബുഖാരി തങ്ങളുടെ ഇജാസത്തോടെ തുടക്കം കുറിച്ച മഹനീയ വേദിയിൽ, വിവിധ മതസ്തരും ഭാഷാ ദേശക്കാരുമായ സഹോദരീ സഹോദരന്മാർ സ്വലാത്ത് മജ്ലിസിലെ ‘ഗരീബ്‌ നവാസ്‌’ ഫണ്ടിലേക്ക്‌ നൽകുന്ന ചെറുതും വലുതുമായ സംഭാവനകൾ, കേരളത്തിലേയും ഇന്ത്യയിലെ വിവിധ സംസ്ഥാനങ്ങളിലേയും, മറ്റ്‌ രാജ്യങ്ങളിലേയും അർഹരായവർക്ക്‌, മാരകമായ രോഗ ചികിത്സക്കും, പെൺമക്കളുടെ വിവാഹ ആവശ്യത്തിലേക്കും , വീട്‌ നിർമ്മാണത്തിനുമായി ഇതിനകം പതിമൂന്ന്‌ ലക്ഷത്തോളം ഇന്ത്യൻ രൂപ റിലീഫായി വിതരണം ചെയ്തിട്ടുണ്ട്‌.

മുസ്വഫയിൽ വെള്ളിയാഴ്ച ‌ നടക്കുന്ന സ്വലാത്ത്‌ മജ്ലിസ്‌ വാർഷിക സംഗമത്തിൽ ഐക്യദാർഢ്യം പ്രഖ്യാപിച്ച്‌, മുസ്വഫ എസ്‌.വൈ.എസ്‌. സംഘടിപ്പിച്ച ഉംറ സിയാറത്ത്‌ സംഘം അമീർ കെ.കെ.എം. സഅദിയുടെ നേതൃത്വത്തിൽ മദീനയിലും , കാസർഗോഡ്‌ മുഹിമ്മാത്തിലും സംഘടിപ്പിക്കുന്ന സ്വലാത്ത്‌ മജ്ലിസുകളടക്കം. വിവിധ രാജ്യങ്ങളിലായി 44 സ്വലാത്ത്‌ മജ്ലിസുകൾ സംഘടിപ്പിച്ചിരിക്കുന്നു.

മുസ്വഫയിൽ നിന്നും സയ്യിദ്‌ ഖലീൽ തങ്ങളുടെ ഉത്ബോധനവും ദുആയും തത്സമയം കേരള മലബാർ ഇസ്ലാമിക്‌ ക്ലാസ്‌ റൂം വഴി ഇന്റർനെറ്റിലൂടെ ലോകത്തെമ്പാടുമുള്ളവർക്കായി ബ്രോഡ്കാസ്റ്റ്‌ ചെയ്യുന്നു. കൂടുതൽ വിവരങ്ങൾക്ക്‌ www.sunnionlineclass.org സന്ദർശിക്കുക

മുസ്വഫ എസ്‌.വൈ.എസ്‌. വർക്കിംഗ്‌ പ്രസിഡണ്ട്‌ മുസ്തഫ ദാരിമിയും ജന.സെക്രട്ടറി അബ്ദുൽ ഹമീദ്‌ സഅദിയും സ്വലാത്ത്‌ മജ്ലിസിന്റെ നേതൃത്വം നിർവ്വഹിക്കുന്നു. കഴിഞ്ഞ രണ്ട്‌ വാർഷികങ്ങൾക്കും സയ്യിദ്‌ ഖലീൽ തങ്ങളുടെ മഹനീയ സാന്നിദ്ധ്യവും പ്രാർത്ഥനയും ഈ വേദിയെ കൂടുതൽ മഹത്തരമാക്കി. മൂന്നാം വാർഷികത്തിലും ഖലീൽ തങ്ങളുടെ ഉത്ബോധനം ശ്രവിക്കാനും പ്രാർത്ഥനയിൽ പങ്ക്‌ കൊള്ളാനും തുടിക്കുന്ന ഹൃദയവുമായി ആയിരക്കണക്കിനു സ്വലാത്തുകൾ ചൊല്ലി പരിശുദ്ധ റൗളാശരീഫിലേക്ക്‌ സമർപ്പിക്കാൻ അത്യാഹ്ലാദത്തോടെ വിശ്വാസികൾ ഇന്ന്‌ മുസ്വഫയിൽ സംഗമിക്കുകയാണ്‌. താങ്കളുടെയും സുഹൃത്തുക്കളുടെയും സാന്നിദ്ധ്യം ഈ മഹത്തായ വേദിയിലേക്ക്‌ സാദരം ക്ഷണിക്കുന്നു.

റജബ് ഉംറ സംഘം ഇന്ന് പുറപ്പെടുന്നു

2009-07-15T11:14:00.003+04:00

മുസ്വഫ എസ്.വൈ.എസ്. സംഘടിപ്പിച്ച ഉംറ -സിയാറത്ത് യാത്രാ സംഘം ഇന്ന് അസർ നിസ്കാര ശേഷം മുസ്വഫ സനാ ഇയ്യ: യിൽ നിന്ന് പുറപ്പടും. കെ.കെ.എം. സഅദിയാണ് അമീർ.

17-07-2009 വെള്ളിയാഴ്ച ഇശാനിസ്കാര ശേഷം മുസ്വഫയിൽ നടക്കുന്ന സ്വലാത്ത് വാർഷിക സംഗമത്തിനോടനുബന്ധിച്ച് മദീനയിലും സ്വലാത്ത് മജ്‌ലിസ് സംഘടിപ്പിച്ചിട്ടുണ്ടെന്ന് സംഘാടകർ അറിയിച്ചു.

അജ്മീർ ഖ്വാജ അനുസ്മരണ പ്രഭാഷണം

2009-07-09T11:17:00.001+04:00

മുസ്വഫ എസ്‌.വൈ.എസ്‌. സംഘടിപ്പിക്കുന്ന അജ്മീർ ഖ്വാജ ശൈഖ്‌ മുഈനുദ്ദീൻ ചിശ്ത്തി അനുസ്മരണ പ്രഭാഷണം ന്യൂ മുസ്വഫ മില്ലെനിയം മസ്ജിദിൽ നാളെ രാത്രി (10-07-2009 ) ഇശാ നിസ്കാര ശേഷം നടക്കുന്നതാണ്‌

പ്രമുഖ പണ്ഡിതൻ കെ.കെ.എം. സഅദി അനുസ്മരണ പ്രഭാഷണം നടത്തും
പ്രമുഖർ സംബന്ധിക്കും

ഉംറ സംഘത്തിന്‌ യാത്രയയപ്പ്‌ നൽകി

2009-07-01T15:45:00.003+04:00

മുസ്തഫ ദാരിമി കടാങ്കോട് സംസാരിക്കുന്നു

അമീർ അബ്ദുൽ ഹമീദ് സഅദി ഈശ്വരമംഗലം

മുസ്വഫ എസ്‌.വൈ.എസ്‌. സ്കൂൾ വെക്കേഷനിൽ സംഘടിപ്പിച്ച വിശുദ്ധ ഉംറ സിയാറത്ത്‌ യാത്രാ സംഘത്തിന്റെ ആദ്യ ബാച്ച്‌ മുസ്വഫ സനാഇയ്യ പോലീസ്‌ സ്റ്റേഷനു സമീപമുള്ള പള്ളിയിൽ നടന്ന യാത്രയയപ്പ്‌ സംഗമത്തിനു ശേഷം പുറപ്പെട്ടു. മുസ്വഫ എസ്‌.വൈ.എസ്‌. ജന.സെക്രട്ടറി അബ്‌ദുൽ ഹമീദ്‌ സഅദിയാണ്‌ സംഘത്തെ നയിക്കുന്നത്‌. പ്രസിഡണ്ട്‌ ഹൈദർ മുസ്ലിയാർ ഓർഗനൈസിംഗ്‌ സെക്രട്ടറി അബൂബക്കർ മുസ്ലിയാർ ഓമച്ചപ്പുഴ തുടങ്ങിയവർ യാത്രാ സംഘത്തിലുണ്ട്‌. യാത്രയയപ്പ്‌ യോഗത്തിൽ മുസ്തഫ ദാരിമി കടാങ്കോട്‌ , ഹൈദർമുസ്ലിയാർ, അബ്‌ദുൽ ഹമീദ്‌ സഅദി തുടങ്ങിയവർ സംസാരിച്ചു. K.T ഫൈസി പ്രാർത്ഥന നിർവ്വഹിച്ചു.

01-07-2009

ഉംറ സംഘം നാളെ പുറപ്പെടുന്നു

2009-06-30T09:22:00.003+04:00

സ്കൂൾ വെക്കേഷനിൽ മുസ്വഫ എസ്.വൈ.എസ്. സംഘടിപ്പിക്കുന്ന ഉംറ സംഘത്തിന്റെ ആദ്യ ബാച്ച് മുസ്വഫ എസ്.വൈ.എസ്. ജന:സെക്രട്ടറി അബ്ദുൽ ഹമീദ് സഅദിയുടെ നേതൃത്വത്തിൽ
01-07-2009 ബുധനാഴ്ച ളുഹർ നിസ്കാരത്തിനു ശേഷം മുസ്വഫ സനാഇയ്യ പോലീസ് സ്റ്റേഷനു സമീപമുള്ള പള്ളിയിൽ നിന്ന് പുറപ്പെടുന്നതാണ്. കൂടുതൽ വിവരങ്ങൾക്ക് 055-9134144

റമളാൻ -ഉംറ സിയാറത്ത്‌

2009-06-30T09:20:00.002+04:00

വിശുദ്ധ റമളാനിൽ മുസ്വഫ എസ്‌.വൈ.എസ്‌. സംഘടിപ്പിക്കുന്ന ഉംറ സിയാറത്ത്‌ സംഘം രണ്ട് ബാച്ചുകളായി ( റമളാൻ 18 നും 23 നും ) മുസ്വഫയിൽ നിന്ന്‌ പുറപ്പെടുന്നു.

വിവരങ്ങൾക്കും ബുക്കിംഗിനും ബന്ധപ്പെടുക
എസ്‌.വൈ.എസ്‌. ഓഫീസ്‌ : 02 5523491 / 055 -9134144

റജബിൽ ഉംറ സിയാറത്ത് ബുക്കിംഗ് തുടരുന്നു

2009-06-17T09:53:00.003+04:00

മുസ്വഫ എസ്.വൈ.എസ്. സ്കൂൾ വെക്കേഷനിൽ (ജൂലൈ ഒന്നിനും പതിനഞ്ചിനും ) സംഘടിപ്പിക്കുന്ന വിശുദ്ധ് ഉംറ സിയാറത്ത് യാത്രയ്ക്കുള്ള ഒരുക്കങ്ങൾ പൂർത്തിയായി വരുന്നു. ജൂലൈ ഒന്നിന് അമീർ അബ്ദുൽ ഹമീദ് സഅദി ഈശ്വര മംഗലത്തിന്റെ നേതൃത്വത്തിൽ പുറപ്പെടുന്ന സംഘത്തിലേക്കുള്ള ബുക്കിംഗ് അവസാനിച്ചു . റജബിൽ മദീനയിൽ സംഘമിക്കാൻ കഴിയുന്ന വിധത്തിൽ ജൂലൈ 15 നു അമീർ കെ.കെ.എം. സഅദിയുടെ നേതൃത്വത്തിൽ പുറപ്പെടാനുദ്ദേശിക്കുന്ന സംഘത്തിലേക്ക് ഏതാനും സീറ്റുകൾ കൂടി ഒഴിവുണ്ട്. എത്രയും വേഗം പേരു രജിസ്റ്റർ ചെയ്യേണ്ടതാണ്. കൂടാതെ ഈ വർഷം റമളാനിൽ സംഘടിപ്പിക്കുന്ന ഉംറ സിയാറത്ത് യാത്രയ്ക്കുള്ള ബുക്കിംഗ് ആരംഭിച്ചിരിക്കുന്നു. വിശദ വിവരങ്ങൾക്കും ബുക്കിംഗിനും 02-5523491 / 055 9134144

തജ് വീദ് ക്ലാസ് മുസ്വഫയിൽ വീണ്ടും തുടങ്ങുന്നു.

2009-06-17T09:45:00.001+04:00

ഹാഫിള് അബ്‌ദു റഷീദ് സഖാഫി നയിക്കുന്ന വിശുദ്ധ ഖുർആൻ തജ് വീദ് ക്ലാസ് മുസ്വഫ ശഅബിയ 10 ൽ വീണ്ടും തുടങ്ങുന്നു. മുൻകൂട്ടി പേര് രജിസ്റ്റർ ചെയ്യുന്നവർക്കു മാത്രമായിരിക്കും ക്ലാസിൽ പ്രവേശനം. 24-06-2009 നു ബുധനാഴ്ച ക്ലാസ് പുനരാരംഭിക്കും. പ്രമുഖ പണ്ഡിതർ സംബന്ധിക്കുന്നതാണ്. തുടർന്ന് എല്ലാ ബുധനാഴ്ചകളിലും ഇശാ നിസ്കാര ശേഷം നടക്കുന്ന ക്ലാസിൽ പങ്കെടുക്കാൻ ആഗ്രഹിക്കുന്നവർ 050-5160846 / 050 6720786 എന്നീ നമ്പറുകളിൽ വിളിച്ച പേരും ബന്ധപ്പെടേണ്ട ടെലിഫോൺ നമ്പറും നൽകേണ്ടതാണ്

മർകസ് പ്രചാരണ കൺവെൻഷൻ സംഘടിപ്പിച്ചു

2009-05-23T15:19:00.002+04:00

മുസ്വഫ ഏരിയ മർകസ് കമ്മിറ്റി എസ്.വൈ.എസ്. ആസ്ഥാനമായ വാദി ഹസനിൽ സംഘടിപ്പിച്ച മർകസ് പ്രചാരണ കൺവെൻഷനിൽ മർകസ് ജനറൽ മാനേജർ സി.ഫൈസി സംസാരിക്കുന്നു. മുസ്വഫ എസ്.വൈ.എസ്. വർക്കിംഗ് പ്രസിഡണ്ട് മുസ്തഫ ദാരിമി, അബുദാബി എസ്.വൈ.എസ്. സെക്രട്ടറി ഉസ്മാൻ സഖാഫി തിരുവത്ര എന്നിവർ സമീപം.

റിലീഫ്‌ വിതരണം സുഹൈൽ തങ്ങൾ ഉത്ഘാടനം ചെയ്തു

2009-05-12T11:16:00.003+04:00

ജീവ കാരുണ്യ പ്രവർത്തനങ്ങൾക്ക്‌ വേണ്ടി മുസ്വഫ എസ്‌.വൈ.എസ്‌. രൂപീകരിച്ച റിലീഫ്‌ സെല്ലിൽ നിന്നുള്ള ആദ്യ സഹായം രണ്ട്‌ പേർക്ക്‌ നൽകി സുഹൈൽ തങ്ങൽ ഉത്ഘാടനം ചെയ്തു. ന്യൂ മുസ്വഫ പോലീസ്‌ സ്റ്റേഷനു സമീപമുള്ള പള്ളിയിൽ സ്വലാത്തുന്നാരിയ മജ്ലിസിനോടനുബന്ധിച്ചായിരുന്നു വിതരണോത്ഘാടനം നടന്നത്‌.

മുസ്വഫ എസ്‌.വൈ.എസ്‌. പ്രസിഡണ്ട്‌ ഒ.ഹൈദർ മുസ്ലിയാർ, വർക്കിംഗ്‌ പ്രസിഡണ്ട്‌ മുസ്തഫ ദാരിമി, ജന.സെക്രട്ടറി അബ്‌ദുൽ ഹമീദ്‌ സഅദി, റിലീഫ്‌ സെൽ ചെയർമാൻ മുഹമ്മദ്‌ കുട്ടി ഹാജി കൊടിഞ്ഞി, കൺവീനർ റഷീദ്‌ കൊട്ടില തുടങ്ങിയവർ സംബന്ധിച്ചു.

പാവപ്പെട്ടവർക്ക്‌ വീട്‌ നിർമ്മാണത്തിനും ,മാരകമായ രോഗ ബാധിതർക്ക്‌ ചികിത്സാർത്ഥവും, വിവാഹ ധന സഹായവുമായാണ്‌ റിലീഫ്‌ വിതരണം ചെയ്യൂക.

11-05-09

സ്വലാത്തുന്നാരിയ ഇന്ന് തത്സമയം കേരള മലബാർ ഇസ്ലാമിക് ക്ലാസ് റൂമിൽ

2009-05-11T10:53:00.007+04:00

11-05-2009

മുസ്വഫ എസ്.വൈ.എസ്. എല്ലാ തിങ്കളാഴ്ചകളിലും ഇശാ നിസ്കാര ശേഷം ന്യൂ മുസ്വഫ പോലിസ് സ്റ്റേഷനു സമീപമുള്ള പള്ളിയിൽ സംഘടിപ്പിക്കുന്ന നാരിയ സ്വലാത്ത് മജ്ലിസിൽ ഇന്ന് സുഹൈൽ തങ്ങൾ സംബന്ധിക്കുന്നു.

ഇന്നത്തെ മജ്ലിസ് തത്സമയം കേരള മലബാർ ഇസ്‌ലാമി ക്ലാസ് റൂമിൽ.

കൂടുതൽ വിവരങ്ങൾക്കും മെസ്സഞ്ചർ ഇൻസ്റ്റാൾ ചെയ്യുന്നതിനും സുന്നീഓൺലൈക്ലാസ് സന്ദർശിക്കുക

മലയാളത്തിൽ വിശദമായ വിവരണത്തിന് ഇവിടെ ക്ലിക് ചെയ്യുക

കെ.കെ.എം. സഅദിയുടെ ക്ലാസ് ഓൺലൈനിൽ എല്ലാ ചൊവ്വാഴ്ചയും

2009-05-05T10:40:00.001+04:00

മുസ്വഫ എസ്.വൈ.എസ്. എല്ലാ ചൊവ്വാഴ്ചകളിലും ഇശാ നിസ്കാര ശേഷം മുസ്വഫ ശഅബിയ 10 ലെ ഫാമിലി ക്ലാസ് ഹൌസിൽ സംഘടിപ്പിക്കുന്ന ഇസ്ലാമിക പഠന (ഹദീസ് /ഖുർആൻ ) സംഗമത്തിൽ പ്രമുഖ പണ്ഡിതൻ കെ.കെ.എം. സഅദി ക്ലാസ് നയിക്കുന്നു.

സ്ത്രീകൾക്ക് ക്ലാസ് ശ്രവിക്കാൻ സൌകര്യം ഉണ്ടായിരിക്കും.

ക്ലാസ് തത്സമയം കേരള മലബാർ ഇസ്‌ലാമി ക്ലാസ് റൂം വഴിയും ശ്രവിക്കാവുന്നതാണ്

കൂടുതൽ വിവരങ്ങൾക്കും മെസ്സഞ്ചർ ഇൻസ്റ്റാൾ ചെയ്യുന്നതിനും
സുന്നീഓൺലൈക്ലാസ് സന്ദർശിക്കുക

മലയാളത്തിൽ വിശദമായ വിവരണത്തിന് ഇവിടെ ക്ലിക് ചെയ്യുക

അബ്ദുറഷീദ് സഖാഫിക്ക് യാത്രയയപ്പ് നല്‍കി

2009-04-30T15:40:00.001+04:00

അവധിക്ക് നാട്ടിലേക്ക് പോവുന്ന ഹാഫിള് അബ്ദുറഷീദ് സഖാഫിക്ക് മുസ്വഫ എസ്.വൈ.എസ്. ഊഷ്മളമായ യാത്രയയപ്പ് നല്‍കി.

കഴിഞ്ഞ 6 മാസക്കാലമായി മുസ്വഫ എസ്.വൈ.എസ്. നടത്തുന്ന ഖുര്‍ആന്‍ തജ് വീദ് ക്ലാസ് നയിക്കുന്ന അബ്ദുറഷീദ് സഖാഫിക്ക് മുസ്വഫ എസ്.വൈ.എസ്. ഉപഹാരം മുസ്തഫ ദാരിമി നല്‍കി. ന്യൂ മുസ്വഫ മില്ലെനിയം സൂപ്പര്‍ മാര്‍ക്കറ്റിനു സമീപമുള്ള പള്ളിയില്‍ നടന്ന ചടങ്ങില്‍ മുസ്വഫ എസ്.വൈ.എസ്. പ്രസിഡണ്ട് അദ്ധ്യക്ഷത വഹിച്ചു. മുസ്തഫ ദാരിമി, അബ് ദുല്‍ ഹമീദ് സഅദി, അബദുല്‍ ഹമീദ് ശര്‍വാനി ,അബൂബക്കര്‍ മുസ്ലിയാര്‍ ഓമച്ചപ്പുഴ ,ബഷീര്‍ വെള്ളറക്കാട് തുടങ്ങിയവര്‍ ആശംസ പ്രസംഗം നടത്തി. അബ് ദു റഷീദ് സഖാഫി യാത്രയയപ്പിന് നന്ദി പറഞ്ഞ് സംസാരിച്ചു.

എല്ലാ ബുധനാഴ്ചകളിലും മുസ്വഫയില്‍ വെച്ച് നടന്നു വരുന്ന ക്ലാസില്‍ പ്രായഭേതമന്യേ വിവിധ തുറകളില്‍ ജോലി ചെയ്യുന്നവര്‍ മുടങ്ങാതെ പങ്കെടുക്കുന്നു. ഒരു മാസത്തെ അവധിക്കു ശേഷം ക്ലാസ് പുനരാരംഭിക്കുന്നതാണെന്ന് സംഘാടകര്‍ അറിയിച്ചു.

ഒ.ഹൈദര്‍ മുസ്ലിയാര്‍ ഒറവില്‍

മുസ്തഫ ദാരിമി കടാങ്കോട്

അബ്ദുല്‍ ഹമീദ് സഅദി ഈശ്വര മംഗലം

അബ്ദുല്‍ ഹമീദ് ശര്‍വാനി ചിയ്യൂര്‍

ഹാഫിള് അബ്ദു റഷീദ് സഖാഫി

ബിദഈ പ്രസ്ഥാനക്കാർ യുക്തിവാദത്തിന്റെ വഴിയേ ; കെ.കെ.എം. സ അദി

2009-04-25T11:53:00.003+04:00

ആത്മീയതയെ തള്ളിക്കളയുന്ന ബിദഈ പ്രസ്ഥാനക്കാർ യുക്തിവാദത്തിന്റെ വഴിയിലൂടെയാണ്‌ നീങ്ങുന്നതെന്ന് പ്രമുഖ പണ്ഡിതനും വാഗ്മിയുമായ കെ.കെ.എം. സഅദി പറഞ്ഞു. മുസ്വഫ എസ്‌.വൈ.എസ്‌. സംഘടിപ്പിച്ച മുഹ്‌യിദ്ദിൻ മാല ആലാപന വേദിയിൽ പ്രസ്ഥുത മാലയിലെ വ്യാപകമായി ദുർവ്വ്യാഖ്യാനം ചെയ്യപ്പെടുന്ന വരികളുടെ ശരിയായ വ്യഖ്യാനം നിർവ്വഹിച്ച്‌ സംസാരിക്കുകയായിരുന്നു അദ്ദേഹം.

മഹാന്മാരുടെ നന്മ പറയുകയും പ്രചരിപ്പിക്കുകയും ചെയ്യുക എന്നത്‌ മുസ്ലിം ലോകത്ത്‌ നിരാക്ഷേപം നടന്നു കൊണ്ടിരുന്ന കാര്യമാണ്‌ അതിനെ എതിർക്കുന്നവർ സ്വന്തം കഴിവും കഴിവുകേടും അനുസരിച്ച്‌ മഹാന്മാരെ തുലനം ചെയ്തത്താണ്‌ കുഴപ്പങ്ങൾക്ക്‌ കാരണം. സുന്നികൾ ആലാപനം ചെയ്യുന്ന മാലയും മൗലിദുകളും വിശുദ്ധ ഖുർആനിന്റെയും ഹദീസിന്റെയും അടിസ്ഥാനത്തിൽ ഇസ്ലാമിക ആശയങ്ങൾക്ക്‌ വിരുദ്ധമായി യാതൊന്നും ഇല്ലാത്തതാണെന്ന് തെളിയിക്കപ്പെട്ടതും ഇന്ന് അതിനെ എതിർക്കുന്നവരുടെ പഴയ കാല നേതാക്കൾ വാദപ്രതിവാദ വേദിയിൽ തന്നെ അക്കാര്യം സമ്മതിക്കേണ്ടി വന്നിട്ടുള്ളതും സഅദി അനുസ്‌മരിച്ചു.

പി.പി.എ. റഹ്‌മാൻ മൗലവി കൽത്തറ മുഹ്‌യിദ്ദീൻ മാല ആലാപന വേദി നയിച്ചു. അബുദുൽ ഹമീദ്‌ സഅദി , അബ്‌ദുൽ ഹമീദ്‌ മുസ്ലിയാർ ചിയ്യൂർ, അബൂബക്കർ മുസ്‌ലിയാർ ഓമച്ചപ്പുഴ തുടങ്ങിയവർ സംബന്ധിച്ചു

കെ.കെ.എം. സദി പ്രസംഗിക്കുന്നു

അലാപന സദസ്സ്

ലീഗ്‌ ആക്രമണം ;മുസ്വഫ എസ്‌.വൈ.എസ്‌. പ്രതിശേധിച്ചു

2009-04-23T09:03:00.001+04:00

എസ്‌.വൈ.എസ്‌. കണ്ണൂർ ജില്ലാ കമ്മിറ്റിയുടെ ജനമുന്നേറ്റ യാത്രയ്ക്ക്‌ നേരേ ഇരിക്കൂരിൽ വെച്ച്‌ ലീഗ്‌ പ്രവർത്തകർ ആക്രമണം നടത്തുകയും എസ്‌.എസ്‌.എഫ്‌ സംസ്ഥാന ജന.സെക്രട്ടറി ആർ.പി.ഹുസൈൻ മാസ്റ്ററെയും കണ്ണൂർ ജില്ലാ വൈസ്‌ പ്രസിഡണ്ട്‌ സ അദ്‌ തങ്ങളെയും മർദ്ദിക്കുകയും ചെയ്ത തിൽ മുസ്വഫ എസ്‌.വൈ.എസ്‌. സെക്രട്ടറിയേറ്റ്‌ ശക്തമായി പ്രതിശേധിച്ചു. കുറ്റക്കാർക്കെതിരെ കർശനവും മാതൃകാപരവുമായ നടപടികൾ കൈകൊള്ളുവാൻ യോഗം ആവശ്യപ്പെട്ടു.
പ്രസിഡണ്ട്‌ ഒ.ഹൈദർ മുസ്ലിയാർ, വർക്കിംഗ്‌ പ്രസിഡണ്ട്‌ മുസ്തഫ ദാരിമി, ജന.സെക്രട്ടറി അബ്‌ദുൽ ഹമീദ്‌ സഅദി തുടങ്ങിയവർ പ്രസംഗിച്ചു

മുഹ് യിദ്ദിൻ മാല ആലാപനവും വ്യാഖ്യാനവും

2009-04-21T10:07:00.004+04:00

മുഹ് യിദ്ദീൻ മാല ആലാപനവും വ്യാഖ്യാനവും മുസ്വഫയിൽ

മീലാദ് കാമ്പയിൻ വി.സി.ഡി പ്രകാശനം ചെയ്തു.

2009-04-21T09:52:00.001+04:00

മുസ്വഫ എസ്‌.വൈ.എസ്‌. മീലാദ്‌ കാമ്പയിൻ 2009 ന്റെ ഭാഗമായി സംഘടിപ്പിച്ച മദ്രസ്സാ വിദ്യാർത്ഥികളുടെ കലാ പരിപാടികളുടെയും അഡ്വ .ഇസ്മാഈൽ വഫയുടെ പ്രഭാഷണത്തിന്റെ യും വി.സി.ഡി കൾ മുസ്വഫ പോലിസ്‌ സ്റ്റേഷനു സമീപമുള്ള പള്ളിയിൽ നടന്ന സ്വലാത്തുന്നാരിയ മജ്‌ലിസിൽ പ്രകാശനം ചെയ്തു.

മുസ്വഫ എസ്‌.വൈ.എസ്‌. ആക്റ്റിംഗ്‌ പ്രസിഡണ്ട്‌ അബ്‌ ദുല്ല കുട്ടി ഹാജിയിൽ നിന്ന് ലുലു അൽ ഫള്‌ൽ സൂപ്പർമാർക്കറ്റ്‌ എം.ഡി. ഇബ്രാഹിം കാസർഗോഡ്‌ ആദ്യകോപ്പികൾ സ്വീകരിച്ചു.
മുസ്തഫ ദാരിമി കടാങ്കോട്‌, അബ്‌ദുൽ ഹമീദ്‌ സഅദി പ്രസംഗിച്ചു.

മീലാദ്‌ കാമ്പയിൻ ദുആ സമ്മേളനത്തോടെ സമാപിച്ചു

2009-04-07T11:31:00.002+04:00

ലോകാനുഗ്രഹിയായ പ്രവാചകർ (സ) എന്ന പ്രമേയവുമായി മുസ്വഫ എസ്‌.വൈ.എസ്‌. കഴിഞ്ഞ രണ്ട്‌ മാസക്കാലമായി നടത്തിവന്ന മീലാദ്‌ കാമ്പയിൻ 2009 ദു ആ സമ്മേളനത്തോടെ സമാപിച്ചു.
ഒരു കുടുംബത്തിൽ നിന്ന്‌ ഒരു ലക്ഷം സ്വലാത്ത്‌ സമർപ്പണവും സമാപനത്തോടനുബന്ധിച്ച്‌ നടന്നു. 26 ലക്ഷം സ്വലാത്തുകൾവരെ ചൊല്ലിതീർത്ത കുടുംബങ്ങൾ ഉണ്ടായിരുന്നു. സമാപന സംഗമത്തോടനുബന്ധിച്ച്‌ പ്രമുഖ പണ്ഡിതൻ കെ.കെ.എം. സഅദി ശൈഖ്‌ മുഹ്‌യിദ്ദീൻ അബ്‌ദുൽഖാദിർ ജീലാനി (റ) അനുസ്മരണ പ്രഭാഷണം നടത്തി. മുഹ്‌യിദ്ദീൻ മാല പോലുള്ള പ്രകീർത്തന കാവ്യങ്ങളിൽ നിന്ന്‌ നിന്ന്‌ അടർത്തിമാറ്റിയ വരികൾ ദുർ വ്യാഖ്യാനം ചെയ്ത്‌ മുസ്ലിംങ്ങൾക്കിടയിൽ ആശയക്കുഴപ്പം സൃഷ്ടിക്കാൻ ശ്രമിക്കുന്ന ബിദഈ കക്ഷികളെ കരുതിയിരിക്കാൻ കെ.കെ.എം. സഅദി ഓർമ്മിപ്പിച്ചു.

മുസ്വഫ സനാഇയ്യ പോലീസ്‌ സ്റ്റേഷനു സമീപമുള്ള പള്ളിയിൽ നടന്ന പരിപാടിയിൽ ഒ.ഹൈദർ മുസ്ലിയാർ ,മുസ്തഫ ദാരിമി, അബ്‌ ദുൽ ഹമീദ്‌ സഅദി ഈശ്വര മംഗലം തുടങ്ങി പ്രമുഖ പണ്ഡിതരും സാദാത്തീങ്ങളും സംബന്ധിച്ചു.

എസ്‌.വൈ.എസ്‌. പ്രവർത്തക സംഗമം ,അഡ്വ ഇസ്മയിൽ വഫ ക്ലാസ്‌ നയിക്കും

2009-04-02T12:44:00.002+04:00

മുസ്വഫ എസ്‌.വൈ.എസ്‌. പ്രവർത്തകർക്കായി സംഘടിപ്പിക്കുന്ന പഠന സംഗമത്തിൽ പ്രമുഖ മനശാസ്ത്രജ്ഞൻ അഡ്വ. ഇസ്മയിൽ വഫ ക്ലാസ്‌ നയിക്കും. മുസ്വഫ സനാഇയ്യ പോലീസ്‌ സ്റ്റേഷനു സമീപമുള്ള പള്ളിയിൽ 04-04-2009 ശനിയാഴ്ച രാത്രി കൃത്യം 9 മണിക്ക്‌ ക്ലാസ്‌ തുടങ്ങുന്നതായിരിക്കും

എസ്‌.വൈ.എസ്‌. മെമ്പർഷിപ്പ്‌ ഉള്ളവർക്ക്‌ മാത്രമായി ക്ലാസ്‌ പരിമിതപ്പെടുത്തിയിരിക്കുന്നതിനാൽ ക്ലാസിൽ പങ്കെടുക്കാൻ ഉദ്ദേശിക്കുന്നവർ നിർബന്ധമായും മെമ്പർഷിപ്പ്‌ കാർഡ്‌ കൊണ്ടുവരേണ്ടതാണ്‌.

കൂടുതൽ വിവരങ്ങൾക്ക്‌ 02 5523491 ,050 6720786

മീലാദ്‌ സംഗമവും കലാവിരുന്നും ഇന്ന് മുസ്വഫയിൽ ;അഡ്വ. ഇസ്മയിൽ വഫ മുഖ്യ പഭാഷണം നടത്തും

2009-03-28T09:37:00.002+04:00

ലോകാനുഗ്രഹിയായ പ്രവാചകർ എന്ന പ്രമേയവുമായി മുസ്വഫ എസ്‌.വൈ.എസ്‌. ഫെബ്രുവരി 3 മുതൽ നടത്തി വരുന്ന മീലാദ്‌ കാമ്പയിൻ 2009 ന്റെ ഭാഗമായി ഇന്ന് (28-03-09 ) മ‍ീലാദ്‌ സംഗമവും മദ്രസ വിദ്യാർത്ഥികളുടെ കലാവിരുന്നും സംഘടിപ്പിക്കുന്നു.

മുസ്വഫ ശഅബിയ പത്തിലെ യു.എ.ഇ എക്സേഞ്ചിനു പിറകിലുള്ള എമിറേറ്റ്സ്‌ ഫ്യൂച്ചർ ഇന്റർനാഷണൽ അക്കാദമി ഓഡിറ്റോറിയത്തിൽ 4.30 മുതൽ 10.30 വരെയാണു പരിപാടികൾ നടക്കുക.

പ്രശസ്ത സൈക്കോളജിസ്റ്റ്‌ അഡ്വ. ഇസ്മയിൽ വഫ മുഖ്യ പഭാഷണം നടത്തും.

മുസ്വഫ എസ്‌.ബി.എസ്‌. സംഘത്തിന്റെ ദഫ്‌ പ്രദർശനവും ഉണ്ടായിരിക്കും

മീലാദ്‌ സംഗമവും വിദ്യാർത്ഥികളുടെ കലാവിരുന്നും

2009-03-23T15:21:00.002+04:00

മീലാദ്‌ സംഗമവും വിദ്യാർത്ഥികളുടെ കലാവിരുന്നും
ഇസ്മയിൽ വഫ യുടെ പ്രഭാഷണം

മീലാദും മൗലിദും, -പുസ്തകം പ്രകാശനം ചെയ്തു

2009-03-10T20:51:00.004+04:00

മുസഫ്ഫ എസ്‌ വൈ എസ്‌ മീലാദ്‌ കാമ്പയിൻ 2009 നോടനുബന്ധിച്ച്‌ പ്രസിദ്ധീകരിച്ച മീലാദും മൗലിദും എന്ന പുസ്തകത്തിന്റെ പ്രകാശനം മുസഫ്ഫയിൽ ഒരേ സമയം രണ്ട്‌ വേദികളിൽ നടന്നു ന്യൂ മുസഫ്ഫ മില്ലെനിയം പള്ളിയിൽ കെ കെ എം സഅദിയിൽ നിന്ന് അബ്ദുള്ളക്കുട്ടി ഹാജി പുസ്തകം സ്വീകരിച്ചു

മുസഫ്ഫ പോലീസ്‌ സ്റ്റേഷൻ പള്ളിയിൽ നടന്ന പ്രകാശന കർമ്മത്തിൽ ചിത്താരി ഹംസ മുസ്‌ല്യാരിൽ നിന്ന് ബനിയാസ്‌ സ്പൈക്‌ എം ഡി കുറ്റൂർ അബ്ദുറഹ്‌മാൻ ഹാജി ആദ്യ കോപ്പി സ്വീകരിച്ചു

നബിദിനം, മൗലിദ്‌ പാരായണം,ബിദ്‌ അത്ത്‌ തുടങ്ങിയ വിഷയങ്ങളിൽ പ്രാമാണികമായ സംക്ഷിപ്ത വിവരണം അടങ്ങുന്ന അറബി മൂല്യത്തോട്‌ കൂടിയുള്ള പുസ്തകം അബുദാബി മതകാര്യ വകുപ്പ്‌ നബിദിനത്തോടനുബന്ധിച്ച്‌ പുറത്തിറക്കിയ അറബി ലഘു ലേഘയുടെ മലയാള പരിഭാഷയാണ്‌ അബൂബക്കർ സ അ ദി നെക്രാജ്‌ ആണു് വിവർത്തകൻ സൗജന്യമായി വിതരണം ചെയ്യുന്ന പുസ്തകം ലഭിക്കുന്നതിനും വിവരങ്ങൾക്കും 02 5523491

ഖുർ ആൻ പാരായണ മത്സരവും ക്വിസ്‌ മത്സരവും നടത്തി

2009-03-05T08:34:00.002+04:00

മുസ്വഫ എസ്‌.വൈ.എസ്‌. മീലാദ്‌ കാമ്പയിൻ 2009 ന്റെ ഭാഗമായി വിശുദ്ധ ഖുർആൻ പാരായണ മത്സരവും ഇസ്‌ലാമിക ക്വിസ്‌ മത്സരവും നടത്തി. അബ്‌ദുൽ ഫത്താഹ്‌ ഇർഫാനിയും മുഹമ്മദലി അൽ ഹസനിയും നേതൃത്വം നൽകി. വിശുദ്ധ ഖുർആൻ പാരായണ മത്സരം അ ബ്‌ ദുൽ റഷീദ്‌ സഖാഫി, ഉസ്മാൻ സഖാഫി കാങ്കോൽ, പി.പി. എ . കൽത്തറ എന്നിവർ നിയന്ത്രിച്ചു.

മത്സര ഫലങ്ങൾ പത്രങ്ങളിൽ പ്രസിദ്ധീകരിക്കുകയും വിജയികൾ ക്കുള്ള സമ്മാനങ്ങളും സർട്ടിഫിക്കറ്റുകളും കാമ്പയിനോടനുബന്ധിച്ച്‌ നടത്തുന്ന മദ്രസാ വിദ്യാർത്ഥികളുടെ കലാ പരിപാടികളുടെ വേദിയിൽ

മുസ്വഫ എസ്‌.വൈ.എസ്‌. മീലാദ്‌ കാമ്പയിൻ -വിപുലമായ പരിപാടികൾ

2009-02-26T15:50:00.003+04:00

ഫെബ്രുവരി 3 മുതൽ ഏപ്രിൽ 3 വരെ
പ്രമേയം : റഹ്‌മത്തുൻലിൽ ആലമീൻ അഥവാ ലോകാനുഗ്രഹിയായ പ്രവാചകൻ ( സ )

03/02/2009 പ്രഭാഷണം : മുസ്വഫ ശഅബിയ 10 ലെ മദ്രസ്സയിൽ

പ്രഭാഷകൻ : കെ.കെ.എം. സഅദി

വിഷയം : നബിദിനാഘോഷം പ്രമാണങ്ങളിലൂടെ
(വി.സി.ഡി കൾക്ക്‌ ഓഫീസുമായി ബന്ധപ്പെടുക )

13/02/2009 :മുന്നൊരുക്ക സമ്മേളനം ; ന്യൂ മുസ്വഫയിൽ

പ്രമേയ വിശദീകരണം : കെ.കെ.എം. സഅദി

വിഷയം : റഹ്‌മത്തുൻലിൽ ആലമീൻ

(വി.സി.ഡി ഓഫീസുമായി ബന്ധപ്പെട്ട്‌ കരസ്ഥമാക്കുക )

27/02/2009 വിളംബര സംഗമവും കുണ്ടൂർ ഉസ്താദ്‌ അനുസ്മരണവും , ബുർദ മജ്‌ ലിസും
മുസ്വഫ സനാഇയ്യ: 16 ലെ പള്ളിയിൽ

മുഖ്യ പ്രഭാഷണം : നൗഷാദ്‌ അഹ്‌സനി ഒതുക്കുങ്ങൽ

ബുർദ മജ്‌ ലിസ്‌ നേതൃത്വം : മൂസ മുസ്‌ലിയാർ ആറളം

മൗലിദ്‌ മജ്‌ലിസുകൾ

റബീഉൽ അവ്വൽ 1 മുതൽ 12 വരെ മുസ്വഫയിലെ എല്ലാ പള്ളികളിലും സുന്നി മദ്രസകളിലും റേഡിയോ പ്രഭാഷണം
ഏഷ്യാനെറ്റ്‌ റേഡിയോയിൽ യു.എ.ഇ സമയം രാവിലെ 7 മണിക്ക്‌ പ്രമുഖ പണ്ഡിതന്മാർ നയിക്കുന്ന മീലാദ്‌ പ്രഭാഷണ വേദി. കെ.കെ.എം. സഅദി, മുസ്തഫ ദാരിമി, അബ്‌ദുൽ ഹമീദ്‌ സഅദി, സിദ്ധിഖ്‌ അൻവരി, ഉസ്‌മാൻ സഖാഫി, ലത്തീഫ്‌ സഅദി പഴശ്ശി തുടങ്ങിയവർ പങ്കെടുക്കുന്നു.

വിവിധ മത്സര പരിപാടികൾ

03/03/09 ചൊവ്വ

ഇസ്‌ലാമിക്‌ ക്വിസ്‌ മത്സരം

ശഅബിയ 10 ലെ പള്ളിയിൽ ഇശാക്ക്‌ ശേഷം

04/03/09 ബുധൻ

ഖുർആൻ പാരായണ മത്‌സരം

ശഅബിയ 10 ലെ മദ്രസയിൽ ഇശാക്ക്‌ ശേഷം

12/03/2009 വ്യാഴം
വനിതാ ക്വിസ്‌ മത്സരം

ശഅബിയ പത്തിലെ ഫാമിലി ക്ലാസ്‌ ഹൗസിൽ ഇശാക്ക്‌ ശേഷം

15/03/2009 ഞായർ

മദ്‌ഹ്‌ ഗാന മത്സരവും മൗലിദ്‌ പാരായണ മത്സരവും

ശഅബിയ പത്തിലെ ശംസ ഓഡിറ്റോറിയത്തിൽ മഗ്‌രിബിനു ശേഷം

പ്രബന്ധ രചനാ മത്സരം :

യു.എ. ഇ യിലെ എല്ലാ മലയാളികൾ ക്കുമായി

വിഷയം : വിശ്വ മാനവികതയുടെ പ്രവാചകൻ ; മുഹമ്മദ്‌ നബി (സ)

മാർച്ച്‌ 15 നു ഓഫീസിൽ എത്തിക്കുക.

5/03/09 വ്യാഴം

ന്യൂ മുസ്വഫ ഈദ്‌ ഗാഹിനടുത്തുള്ള മാപ്‌കോ പള്ളിയിൽ

മീലാദ്‌ പ്രഭാഷണം , ദിക്‌ ർ വാർഷികം

പ്രഭാഷകൻ : കെ.കെ.എം. സഅദി

8/03/2009 ഞായർ
മീലാദ്‌ പ്രഭാഷണം.

ന്യൂ മുസ്വഫ പോലീസ്‌ സ്റ്റേഷനു സമീപമുള്ള പള്ളിയിൽ ഇശാക്ക്‌ ശേഷം

പ്രഭാഷകൻ : ബഷീർ ഫൈസി വെണ്ണക്കോട്‌

ന്യൂ മുസ്വഫ നാഷണൽ ക്യാമ്പിനു സമീപമുള്ള പള്ളിയിൽ

ഇശാക്ക്‌ ശേഷം പ്രഭാഷകൻ : കെ.കെ. എം. സഅദി

20/03/2009 വെള്ളിയാഴ്ച
ന്യൂ മുസ്വഫ മില്ലെനിയം സൂപ്പർ മാർക്കറ്റിനു സമീപമുള്ള പള്ളിയിൽ
പ്രഭാഷകൻ : കെ.ടി. മുഹമ്മദ്‌ ഫൈസി

]21/03/2009 ശനി
ശഅബിയ 10 ലെ ഫാമിലി ഹോട്ടലിനു സമീപമുള്ള പള്ളിയിൽ

പ്രഭാഷണം : ലഥ്വീഫ്‌ സഅദി പഴശ്ശി

27/03/09 വെള്ളി
മദ്രസ്സാ വിദ്യാർത്ഥികളുടെ കലാപരിപാടികൾ , ദഫ്‌ പ്രദർശനം.
മുസ്വഫ ശ അ ബിയ 10 ൽഅസർ നിസ്കാര ശേഷം

03/04/09 വെള്ളി

ദു ആ സമ്മേള നം
ന്യൂ മുസ്വഫ നാഷണൽ ക്യാമ്പിനടുത്തുള്ള പള്ളിയിൽ.

കൂടുതൽ വിവരങ്ങൾക്ക്‌ 02-5523491 / 050-6720786 / 055-5814786

http://almahabbath.blogspot.com/

കുണ്ടൂർ ഉസ്താദ്‌ അനുസ്മരണവും ബുർദ: മജ്‌ലിസും

2009-02-26T10:58:00.000+04:00

റഹ്‌മത്തുല്ലിൽ ആലമീൻ അഥവാ ലോകാനുഗ്രഹിയായ പ്രവാചകൻ എന്ന പ്രമേയവുമായി മുസ്വഫ എസ്‌.വൈ.എസ്‌. ഫെബ്രുവരി 3 മുതൽ ഏപ്രിൽ 3 വരെ നടത്തുന്ന മീലാദ്‌ കാമ്പയിന്റെ ഭാഗമായി 27-02-2009 വെള്ളിയാഴ്ച മുസ്വഫ സനാഇയ്യ 16 ലെ മാർക്കറ്റിനു പിറക്‌ വശത്തുള്ള പള്ളിയിൽ നടക്കുന്ന വിളംബര സംഗമത്തിൽ കുണ്ടൂർ ഉസ്താദ്‌ അനുസ്മരണവും ബുർദ: മജ്‌ലിസും സംഘടിപ്പിക്കുന്നു. നൗഷാദ്‌ അഹ്‌സനി ഒതുക്കുങ്ങൾ മുഖ്യ പ്രഭഷണം നടത്തും. ബുർദ മജ്‌ലിസിനു മൂസ മുസ്‌ലിയാർ ആറളം നേതൃത്വം നൽകും. പ്രമുഖ പണ്ഡിതന്മാർ സംബന്ധിക്കും.

കൂടുതൽ വിവരങ്ങൾക്ക്‌ 02-5523491 ,050-6720786 എന്നീ നമ്പറുകളിൽ വിളിക്കാവുന്നതാണ്

ദുർബലരെയും അശരണരെയും സംരക്ഷിക്കേണ്ടത്‌ സമൂഹത്തിന്റെ ബാധ്യത ; ഖലിൽ തങ്ങൾ

2009-02-17T19:50:00.000+04:00

സമൂഹത്തിന്റെ മുഖ്യ ധാരയിൽ നിന്ന് അകറ്റി നിർത്തപ്പെടുന്ന അശരണരെയും ദുർബലരെയും സംരക്ഷിക്കേണ്ടത്‌ സമൂഹത്തിന്റെ ബാധ്യതയാണെന്ന് സയ്യിദ്‌ ഇബ്‌റാഹിം ഖലീലുൽ ബുഖാരി തങ്ങൾ പറഞ്ഞു. ഏപ്രിൽ 9 മുതൽ 12 വരെ മലപ്പുറം സ്വലാത്ത്‌ നഗറിൽ നടക്കുന്ന എൻകൗമിയം സമ്മേളനത്തിന്റെ പ്രചരണ സമ്മേളനം ന്യൂ മുസ്വഫ നാഷണൽ ക്യാമ്പിനടുത്തുള്ള പള്ളിയിൽ ഉത്ഘാടനം ചെയ്ത്‌ സം സാരിക്കുകയായിരുന്നു അദ്ധേഹം.

സമൂഹത്തിലെ എല്ലാ മേഖലയിലും സ്വാർത്ഥതയും ചൂഷണവും അരങ്ങു വാഴുകയാണ്. അപകട മരണങ്ങളും ദാരുണ ദൃശ്യങ്ങളും വരെ മൊബൈ ലിൽ പകർത്തി കച്ചവടം ചെയ്യുന്ന തലത്തിലേക്ക്‌ ജനങ്ങൾ അധപതിച്ച കാലമാണ്‌. കുടുംബ ബന്ധവും അയൽ ബന്ധവും പുലർത്തുന്നവർക്ക്‌ അല്ലാഹുവിന്റെ സംരക്ഷണമുണ്ടാവും. അത്തരം മൂല്യങ്ങളിലേക്കുള്ള തിരിച്ചു പോക്കിനു യുവാക്കൾ തയ്യാറാവണമെന്നും ഖലീൽ തങ്ങൾ പറഞ്ഞ്‌ ഒ. ഹൈദർ മുസ്ലിയാർ, മുസ്തഫ ദാരിമി, അബ്‌ദുൽ ഹമീദ്‌ സഅദി, അബൂബക്കർ മുസ്ലിയാർ ഓമച്ചപ്പുഴ, അബ്‌ദുൽ ഹമീദ്‌ ഈശ്വര മംഗലം തുടങ്ങീ നിരവധി പ്രമുഖർ സംബന്ധിച്ചു.

വി.സി.ഡി പ്രകാശനം ചെയ്തു

2009-02-16T15:29:00.001+04:00

മുസ്വഫ എസ്‌.വൈ.എസ്‌. മീലാദ്‌ കാമ്പയിന്‍ 2009 ന്റെ ഭാഗമായി നടത്തിയ ' നബി ദിനാഘോഷം പ്രമാണങ്ങളിലൂടെ എന്ന കെ.കെ.എം.സഅദിയുടെ ക്ലിപ്പുകള്‍ സഹിതമുള്ള പ്രഭാഷണത്തിന്റെ വി.സി.ഡി കള്‍ പ്രകാശനം ചെയ്തു. ന്യൂ മുസ്വഫ മില്ലെനിയം സൂപ്പര്‍മാര്‍കറ്റിനു സമീപമുള്ള പള്ളിയില്‍ നടന്ന മീലാദ്‌ മുന്നൊരുക്ക സംഗമത്തില്‍ ബനിയാസ്‌ സ്പൈക്‌ എം.ഡി. കുറ്റൂര്‍ അബ്‌ദുറഹ്‌മാന്‍ ഹാജി , മുസ്വഫ എസ്‌.വൈ.എസ്‌. വര്‍ക്കിംഗ്‌ പ്രസിഡണ്ട്‌ മുസ്തഫ ദാരിമിയില്‍ നിന്ന് ആദ്യ കോപ്പികള്‍ സ്വീകരീച്ചു. പ്രഭാഷകന്‍ കെ.കെ.എം. സഅദി , ജന സെക്രട്ടറി അബ്‌ദുല്‍ ഹമീദ്‌ സഅദി തുടങ്ങിയര്‍ സംബന്ധിച്ചു.

കൂടുതല്‍ വിവരങ്ങള്‍ക്ക്‌ 02-5523491 / 050-6720786 / 055-5814786 എന്നീ നമ്പറുകളില്‍ വിളിക്കാവുന്നതാണ്‌ .

മീലാദ്‌ കാമ്പയിന്‍ 2009 ഫണ്ട്‌ ഉത്ഘാടനം

2009-02-16T15:23:00.003+04:00

മുസ്വഫ എസ്‌.വൈ.എസ്‌. മീലാദ്‌ കാമ്പയിന്‍ 2009 ന്റെ ഫണ്ട്‌ ഉത്ഘടനം , ബനിയാസ്‌ സ്പൈക്‌ എം.ഡി. കുറ്റൂര്‍ അബ്‌ദുറഹ്‌മാന്‍ ഹാജി കെ.കെ.എം. സഅദിയെ സംഭാവന ഏല്‍പ്പിച്ച്‌ കൊണ്ട്‌ നിര്‍വഹിക്കുന്നു. മുസ്തഫ ദാരിമി സമീപം

മീലാദ്‌ കാമ്പയിൻ 2009മുന്നൊരുക്ക സംഗമം

2009-02-15T19:44:00.002+04:00

മുസ്വഫ എസ്‌.വൈ.എസ്‌ ഫെബ്രുവരി 3 മുതൽ ഏപ്രിൽ 3 വരെ റഹ്‌മത്തുല്ലിൽ ആലമിൻ അഥവാ ലോകാനുഗ്രഹിയായ പ്രവാചകൻ (സ) എന്ന പ്രമേയവുമായി നടത്തുന്ന മീലാദ്‌ കാമ്പയിൻ 2009 ന്റെ ഭാഗമായി സംഘടിപ്പിച്ച മുന്നൊരുക്ക സംഗമത്തിൽ കെ.കെ.എം. സ അദി പ്രമേയ വിശദീകരണ പ്രഭാഷണം നടത്തുന്നു

.ന്യൂ മുസ്വഫ മില്ലെനിയം സൂപ്പർമ്മാർക്കറ്റിനു സമീപമുള്ള പള്ളിയിൽ നടന്നാ സംഘമത്തിൽ ബനിയാസ്‌ സ്പൈക്‌ എം.ഡി കുറ്റൂർ അബ്‌ ദുറഹ്‌ മാൻ ഹാജി മുഖ്യ അഥിതിയായിരുന്നു. മുസ്തഫ ദാരിമി, അബ്‌ ദുൽ ഹമീദ്‌ സ അദി, അബ്‌ ദുല്ല കുട്ടിഹാജി തുടങ്ങിയവർ സംസാരിച്ചു. മുസ്വഫയിൽ നിന്നും അബുദാബിയിൽ നിന്നുമുള്ള നിരവധിപേർ പങ്കെടുത്ത പരിപാടി അവിസ്മരണീയമായ വേദിയായി മാറി. റഹ്‌ മത്തുല്ലിൽ ആലമീൻ എന്ന പ്രമേയ വിശദീകരണ പ്രഭാഷണത്തിന്റെ വി.സി.ഡി കൾ അടുത്ത ദിവസം പ്രകാശനം ചെയ്യുന്നതാണെന്ന് സംഘാടകർ അറിയിച്ചു.

യു.എ.ഇ അടിസ്ഥാനത്തില്‍ പ്രബന്ധ രചനാ മത്സരം

2009-02-14T09:37:00.003+04:00

മുസ്വഫ എസ്‌.വൈ.എസ്‌ ഫെബ്രുവരി 3 മുതല്‍ ഏപ്രില്‍ 3 വരെ റഹ്‌മത്തുല്ലില്‍ ആലമിന്‍ അഥവാ ലോകാനുഗ്രഹിയായ പ്രവാചകന്‍ (സ) എന്ന പ്രമേയവുമായി നടത്തുന്ന മീലാദ്‌ കാമ്പയിന്‍ 2009 ന്റെ ഭാഗമായി യു.എ.ഇ യിലെ എല്ലാ മലയാളികള്‍ക്കുമായി മലയാള പ്രബന്ധരചനാ മത്സരം സംഘടിപ്പിക്കുന്നു.

'വിശ്വമാനവികതയുടെ പ്രവാചകന്‍ ;മുഹമ്മദ്‌ നബി' എന്ന വിഷയത്തില്‍ പത്ത്‌ പേജില്‍ കവിയാതെ ഒരു പുറത്തില്‍ മാത്രം എഴുതിയ ലേഖനങ്ങള്‍ മാര്‍ച്ച്‌ 15 നു മുന്നെ കിട്ടത്തക്ക വിധത്തില്‍ കണ്‍വീനര്‍ ,മീലാദ്‌ കാമ്പയിന്‍ 2009, മുസ്വഫ എസ്‌.വൈ.എസ്‌. പി.ബി. നമ്പര്‍ 13188, അബുദാബി., യു.എ.ഇ എന്ന പോസ്റ്റല്‍ അഡ്രസ്സിലോ , musafasys@gmail.com എന്ന ഇ-മെയിലിലോ അയക്കേണ്ടതാണ്‌. വ്യക്തമായ അഡ്രസ്സും ടെലിഫോണ്‍ നമ്പറും മറ്റൊരു പേജില്‍ എഴുതി പ്രബന്ധത്തോടൊപ്പം അയക്കേണ്ടതാണ്‌.

കൂടുതല്‍ വിവരങ്ങള്‍ക്ക്‌ വിളിക്കുക. 050- 6720786 / 055-5814786

റബീഉല്‍അവ്വല്‍ -ഉംറ , സിയാറത്ത്‌ ; ബുക്കിംഗ്‌ ആരംഭിച്ചിരിക്കുന്നു.

2009-01-28T15:40:00.001+04:00

മുസ്വഫ എസ്‌.വൈ.എസ്‌ റബീഉല്‍അവ്വല്‍ അവസാനവാരം (മാര്‍ച്ച്‌ 2009 ) ഉംറ & സിയാറത്ത്‌ യാത്രക്കുള്ള സംഘടിപ്പിക്കുന്നു. ബുക്കിംഗ്‌ ആരംഭിച്ചിരിക്കുന്നു.

അമീര്‍ : മുസ്തഫ ദാരിമി കടാങ്കോട്‌

പുണ്യസ്ഥലങ്ങളില്‍ സിയാറത്ത്‌
പ്രഗത്ഭ അമീറിന്റെ നേത്യത്വം
മെച്ചമായ യാത്രാസൗകര്യം

കൂടുതല്‍ വിവരങ്ങള്‍ക്കും, ബുക്കിംഗിനും ബന്ധപ്പെടുക.

അബൂബക്കര്‍ മുസ്ലിയാര്‍ ഓമച്ചപ്പുഴ : 050 6720786
അബ്ദുല്‍ ഹമീദ്‌ സഅദി : 050 3223545
അറളം അബ്ദുറഹ്മാന്‍ മുസ്ലിയാര്‍ : 02 5547569 സനാഇയ്യ

മീലാദ്‌ ഫെസ്റ്റ്‌ 2009; 101 അംഗ സ്വാഗത സംഘം രൂപീകരിച്ചു

2009-01-28T15:30:00.000+04:00

മുസ്വഫ എസ്‌.വൈ.എസ്‌ കമിറ്റിയുടെ ആഭിമുഖ്യത്തില്‍ ഈ വര്‍ഷത്തെ നബിദിനാഘൊഷപരിപാടികള്‍ റഹ്‌മത്തുല്‍ലില്‍ആലമീന്‍ അഥവാ ലോകനുഗ്രഹി എന്ന പ്രമേയവുമായി വിപുലമായി നടത്തുവാന്‍ മുസ്വഫ എസ്‌.വൈ.എസ്‌. ആസ്ഥാനമായ വാദിഹസനില്‍ ചേര്‍ന്ന എക്സിക്യൂട്ടീവ്‌ കമിറ്റി തീരുമാനിച്ചു. വര്‍കിംഗ്‌ പ്രസിഡണ്ട്‌ മുസ്തഫ ദാരിമിയുടെ അദ്ധ്യക്ഷതയില്‍ നടന്ന യോഗത്തില്‍ അബ്‌ ദുല്ല കുട്ടി ഹാജി ചെയര്‍മാന്‍ , ബഷീര്‍ പി.ബി. വെള്ളറക്കാട്‌ ജനറല്‍ കണ്‍ വീനര്‍, മുഹമ്മദ്‌ കുട്ടി ഹാജി കൊടിഞ്ഞി ട്രഷററുമായി മുസ്വഫയിലെ വിവിധ ഏരിയകളിലെ അംഗങ്ങളെ ഉള്‍പ്പെടുത്തി 101 അംഗ സ്വാഗത സംഘം രൂപീകരിച്ചു.മീലാദ്‌ പ്രഭാഷണങ്ങള്‍, മൗലിദ്‌ മജ്‌ലിസുകള്‍, ബുര്‍ദ ആസ്വാദന വേദി, മദ്‌ഹ്‌ ഗാന മത്സരം, ജന റല്‍ ക്വിസ്‌ , കുടുംബ സംഗമം, വനിതാ ക്വിസ്‌, ഖുര്‍ ആന്‍ പാരായണ മത്സരം, പ്രബന്ധ രചനാ മത്സ്രരം ,മദ്രസ്സാ വിദ്യാര്‍ത്ഥികളുടെ കലാ പരിപാടികള്‍, വി.സി.ഡി വിതരണം, പുസ്തക പ്രസിദ്ധീകരണം, പ്രവര്‍ത്തക സംഗമം, ദു ആ സമ്മേളനം, അന്നദാനം തുടങ്ങി വിവിധ പരിപാടികള്‍ നടത്തുവാന്‍ തീരുമാനിച്ചു. പരിപാടികളില്‍ കേരളത്തില്‍ നിന്നെത്തുന്ന പണ്ഡിതന്മാര്‍, യു.എ.ഇ യില്‍ നിന്നും പ്രമുഖ പണ്ഡിതന്മാര്‍ സാസ്കാരിക പ്രവര്‍ത്തകര്‍ തുടങ്ങി പ്രമുഖര്‍ സംബന്ധിക്കുന്നതാണ`്. മീലാദ്‌ ഫെസ്റ്റ്‌ 2009 മുന്നൊരുക്ക സംഗമം ഫെബ്രുവരി 13 നു വെള്ളിയാഴ്ച രാത്രി ഇശാ നിസ്കാര ശേഷം ന്യൂ മുസ്വഫ മില്ലെനിയം സൂപ്പര്‍മാര്‍കറ്റിനു സമീപമുള്ള പള്ളിയില്‍ സംഘടിപ്പിക്കുന്നതാണ`്`. കൂടുതല്‍ വിവരങ്ങള്‍ക്ക്‌ 02-5523491 055-9134144 050-6720786

മര്‍കസ്‌ പദ്ധതികള്‍ക്ക്‌ മുസ്വഫയില്‍ നിന്നുള്ള വിഹിതം നല്‍കി

2009-01-18T10:40:00.001+04:00

മര്‍കസുസഖാഫത്തിസുന്നിയ്യയുടെ മുപ്പത്തിഒന്നാം വാര്‍ഷിക പതിനാലാം ബിരുദദാന മഹാസമ്മേളനത്തിനോടനുബന്ധിച്ച്‌ നടപ്പിലാക്കാനുദ്ദേശിക്കുന്ന വിവിധ ജീവകാരുണ്യ-വിദ്യഭ്യാസ പ്രവര്‍ത്തന പദ്ധതികള്‍ക്ക്‌ മുസ്വഫയില്‍ നിന്നുള്ള സംഭാവനയുടെ ചെക്ക്‌, മുസ്വഫ എസ്‌.വൈ.എസ്‌ , മര്‍കസ്‌ കമ്മിറ്റികളുടെ സംയുക്ത മര്‍കസ്‌ സമ്മേളന പ്രചാരണ സമിതിക്ക്‌ വേണ്ടി അബ്ദുല്‍ഗഫൂര്‍, ഖമറുല്‍ ഉലമ കാന്തപുരം അബൂബക്കര്‍ മുസ്ലിയാര്‍ക്ക്‌ കൈമാറുന്നു.

16-01-2009

യാത്രയയപ്പ്‌ നല്‍കി

2009-01-17T15:30:00.001+04:00

പ്രവാസ ജീവിതം അവസാനിപ്പിച്ച്‌ നാട്ടിലേക്ക്‌ പോകുന്ന മുസ്വഫ എസ്‌.വൈ.എസ്‌. മദ്രസ്സ കമിറ്റി കണ്‍വീനര്‍ സിദ്ധിഖ്‌ കാപ്പന്‍ വേങ്ങരയ്ക്ക്‌ മുസ്വഫ എസ്‌.വൈ.എസ്‌. ഉപഹാരം വര്‍കിംഗ്‌ പ്രസിഡന്റ്‌ മുസ്തഫ ദാരിമി നല്‍കുന്നു.

15-01-2009

ഫലസ്തീന്‍ ‍ഐക്യ ദാര്‍ഢ്യ-പ്രാര്‍ത്ഥന സംഗമം നടത്തി

2009-01-17T15:21:00.002+04:00

മുസ്വഫ എസ്‌.വൈ.എസ്‌. കമ്മിറ്റി സംഘടിപ്പിച്ച ഫലസ്തീന്‍ ഐക്യദാര്‍ഢ്യ സംഗമത്തില്‍ വര്‍കിംഗ്‌ പ്രസിഡന്റ്‌ മുസ്തഫ ദാരിമി കടാങ്കോട്‌ പ്രാര്‍ത്ഥന നയിക്കുന്നു

സദസ്സ്‌ ഒരു വീക്ഷണം

15-01-2009

ഫലസ്തീന്‍ ഐക്യ ദാര്‍ഢ്യ-പ്രാര്‍ത്ഥനാ സംഗമം മുസ്വഫയില്‍

2009-01-14T11:32:00.000+04:00

ഫലസ്തീനില്‍ ജനവാസ കേന്ദ്രങ്ങളില്‍ നിഷ്കരുണം രാസായുധം വരെ ഉപയോഗിച്ച്‌ സ്തീകളെയും കുട്ടികളെയും കൊന്നൊടുക്കി ഇസ്രാഈല്‍ നടത്തുന്ന നരനായാട്ടില്‍ ഫലസ്തീന്‍ ജനതയോട്‌ ഐക്യദാര്‍ഢ്യം പ്രഖ്യാപിച്ച്‌ മുസ്വഫ എസ്‌.വൈ.എസ്‌. ഫലസ്തീന്‍ ഐക്യദാര്‍ഢ്യ -പ്രാര്‍ത്ഥനാ സംഗമം നടത്തുന്നു. 15-01-2009 വ്യാഴം ഇശാ നിസ്കാര ശേഷം ന്യൂ മുസ്വഫ നാഷണല്‍ ക്യാമ്പിനു സമീപമുള്ള കാരവന്‍ ജുമാ മസ്‌ ജി ദില്‍ നടക്കുന്ന സംഗമത്തില്‍ സാദാത്തീങ്ങളും പണ്ഡിതന്മാരും സംബന്ധിക്കുന്നതാണ്.

വിവരങ്ങള്‍ക്ക്‌ 02-5523491 / 050-3223545

കഥാ പ്രസംഗം,വി.സി.ഡി പ്രകാശനം

2009-01-07T10:47:00.002+04:00

ഹിജ്‌റ വര്‍ഷ പരിപാടികളുടെ ഭാഗമായി മുസ്വഫ എസ്‌.വൈ.എസ്‌ സംഘടിപ്പിച്ച ഇസ്‌ലാമിക ചരിത്ര കഥാ പ്രസംഗത്തിന്റെ വി.സി.ഡി കളുടെ പ്രകാശനം ചെയ്തു.

ന്യൂ മുസ്വഫ നാഷണല്‍ ക്യാപിനു സമീപമുള്ള പള്ളിയില്‍ സ്വലാത്തുന്നാരിയ മജ്‌ലിസില്‍ വെച്ച്‌ മുസ്വഫ എസ്‌.വൈ.എസ്‌. വര്‍ക്കിംഗ്‌ പ്രസിഡന്റ്‌ മുസ്തഫ ദാരിമിയില്‍ നിന്ന് ഇബ്‌റാഹിം (മാര്‍ബിള്‍ ) ആദ്യ കോപ്പികള്‍ സ്വീകരിച്ചു.

കൂടുതല്‍ വിവരങ്ങള്‍ക്ക്‌ 02-5523491
5-1-09

ആശുറാഅ്‌ പ്രോഗ്രാം ;പൊന്മള ഉസ്താദ്‌ മുസ്വഫയില്‍

2009-01-04T14:56:00.003+04:00

06-01-2009 ചൊവ്വ ഇശാ നിസ്കാര ശേഷം ,
എസ്‌.വൈ.എസ്‌. സംസ്ഥാന പ്രസിഡണ്ട്‌
പൊന്മള അബ്‌ദുല്‍ ഖാദിര്‍ മുസ്ലിയാര്‍

മുസ്വഫ ശഅബിയ പത്തിലെ ഫാമിലി ഹോട്ടലിനു സമീപമുള്ള പള്ളിയില്‍ പ്രസംഗിക്കുന്നതാണ്‌

മെഡിക്കൽ ഹെൽത്ത്‌ ക്യാമ്പ്‌ -ഫോട്ടോ

2009-01-03T12:54:00.000+04:00

മർ കസു സ്സഖാഫത്തി സ്സുന്നിയ മഹാ സമ്മേളന പ്രചരണ പരിപാടികളുടെ ഭാഗമായി മുസ്വഫ എസ്‌.വൈ.എസ്‌ & മർ കസ്‌ കമ്മിറ്റി സംയുക്തമായി ന്യൂ മുസ്വഫയിലെ ലൈഫ്‌ ലൈൻ ഹോസ്പിറ്റലിന്റെ സഹകരണത്തോടെ സൗജന്യ മെഡിക്കൽ ഹെൽത്ത്‌ ക്യാമ്പ്‌ നടത്തി.

മുൻ കൂട്ടി രജിസ്റ്റർ ചെയ്ത നൂറിലധികം പേർ ക്യാമ്പ്‌ പ്രയോജനപ്പെടുത്തുകയും ലൈഫ്‌ ലൈൻ ഹോസ്പിറ്റൽ മാനേജർ അഡ്വ. എസ്‌.കെ. അബ്‌ ദുല്ല, മുഹമ്മദ്‌ മുസ്തഫ (മാർക്കറ്റിംഗ്‌ ) തുടങ്ങിയവർ നേതൃത്വം നൽകി. മെഡിക്കൽ ഡയരക്റ്റർ ഡോ. രാജീവ്‌, ഡോ. മുഹമ്മദ്‌ റാസ ഫൈസൽ, ഡോ. റിസ്‌ വാൻ, ഡോ. ഫരീദ എന്നിവർ ക്യാമ്പിൽ പങ്കെടുത്തു.

മുസ്വഫ എസ്‌.വൈ.എസ്‌. പ്രസിഡണ്ട്‌ ഹൈദർ മുസ്ലിയാർ, വർക്കിംഗ്‌ പ്രസിഡണ്ട്‌ മുസ്തഫ ദാരിമി, ജന.സെക്രട്ടറി അബ്‌ ദുൽ ഹമീദ്‌ സ അ ദി തുടങ്ങിയവർ സംബന്ധിച്ചു.

മെഡിക്കല്‍ ഹെല്‍ത്ത്‌ ക്യാമ്പ്‌ മുസ്വഫയില്‍ 1-1-09

2008-12-31T10:34:00.002+04:00

മര്‍കസു സ്സഖാഫത്തി സ്സുന്നിയ്യ സമ്മേളന പ്രചരണ പരിപാടികളുടെ ഭാഗമായി മുസ്വഫ എസ്‌.വൈ.എസ്‌. & മര്‍കസ്‌ കമ്മിറ്റികള്‍ സംയുക്തമായി സംഘടിപ്പിക്കുന്ന സൗജന്യ മെഡിക്കല്‍ ഹെല്‍ത്ത്‌ ക്യാമ്പ്‌ 2009 ജനുവരി ഒന്ന് വ്യാഴം മുസ്വഫ സനഇയ്യ പോലീസ്‌ സ്റ്റേഷനു മുന്നില്‍ പുതുതായി തുടങ്ങിയ ലൈഫ്‌ ലൈന്‍ ഹോസ്‌പിറ്റലിന്റെ സഹകരണത്തോടെ നടത്തപ്പെടുന്നതണ്.
മുന്‍ കൂട്ടി രജിസ്റ്റര്‍ ചെയ്ത എല്ലാവരും ലൈഫ്‌ ലൈന്‍ ഹോസ്‌പിറ്റലില്‍ കാലത്ത്‌ 8 മുതല്‍ ഉച്ചയ്ക്ക്‌ 1 മണി വരെയുള്ള സമയത്ത്‌ എത്തിച്ചേരേണ്ടതാണെന്ന് സംഘാടകര്‍ അറിയിച്ചു.

മെഡിക്കല്‍ ക്യാമ്പിനു ശേഷം നടക്കുന്ന ആരോഗ്യ ബോധവത്‌കരണ ക്ലാസില്‍ അഖിലേന്ത്യാ സുന്നി ജംഇയ്യത്തുല്‍ ഉലാമ ജന.സെക്രട്ടറി കാന്തപുരം എ.പി. അബൂബക്കര്‍ മുസ്‌ലിയാര്‍, ഡോ.ശമീര്‍, ലൈഫ്‌ ലൈന്‍ ഹോസ്‌പിറ്റല്‍ (മുസ്വഫ ) മാനേജന്‍ അഡ്വ.എസ്‌.കെ. അബ്‌ദുല്ല തുടങ്ങി പ്രമുഖര്‍ സംബന്ധിക്കുന്നതാണ്

കൂടുതല്‍ വിവരങ്ങള്‍ക്ക്‌ വിളിക്കുക 050-6720786 / 055-9134144

SSF സംസ്ഥാന പ്രധിനിധി സമ്മേളനത്തില്‍ മുസ്തഫ ദാരിമി

2008-12-27T12:28:00.002+04:00

കാസര്‍ ഗോഡ്‌ നടക്കുന്ന എസ്‌.എസ്‌.എഫ്‌. സംസ്ഥാന പ്രധിനിധി സമ്മേളനത്തില്‍ മുസ്വഫ എസ്‌.വൈ.എസ്‌. വര്‍ക്കിംഗ്‌ പ്രസിഡണ്ട്‌ മുസ്തഫ ദാരിമി കടാങ്കോട്‌ പ്രസംഗിക്കുന്നു..

സമ്മേളന നഗരിയില്‍ നിന്ന് ലൈവ്‌ പ്രഭാഷണങ്ങള്‍ കൂടുതല്‍ വാര്‍ത്തകളും ചിത്രങ്ങളും ഇവിടെ

ഹിജ്‌ റ സന്ദേശ പ്രഭാഷണം സംഘടിപ്പിച്ചു

2008-12-27T12:22:00.001+04:00

ഹിജറ 1430 പുതുവര്‍ഷ പിറവിയോടനുബന്ധിച്ച്‌ മുസ്വഫ എസ്‌.വൈ.എസ്‌. ന്യൂമുസ്വഫ മില്ലെനിയം മാര്‍കറ്റിനു സമീപമുള്ള പള്ളിയില്‍ സംഘടിപ്പിച്ച ഹിജ്‌റ യുടെ സന്ദേശ സംഗമത്തില്‍ കെ.കെ..എം. സഅദി പ്രസംഗിക്കുന്നു.

മുസ്വഫ സനാഇയ്യ 16 ലെ മാര്‍കറ്റിനു പിറകിലുള്ള പള്ളിയില്‍ നടന്ന സംഗമത്തിലും കെ.കെ.എം. സദി യുടെ പ്രഭാഷണം ഉണ്ടായിരുന്നു.

ഹിജ്‌റ വര്‍ഷ ചിന്തകള്‍ -പ്രഭാഷണം

2008-12-25T09:35:00.004+04:00

ഹിജ്‌റ (1430) വര്‍ഷ ചിന്തകള്‍
‍ കെ കെ എം സഅദിയുടെ പ്രഭാഷണം

26- 12- 2008 (വെള്ളി) മഗ്‌രിബ്‌ നിസ്ക്കാര ശേഷം
മുസ്വഫ സനാഇയ്യ 16ലെ മാര്‍ക്കറ്റിനു പിന്‍വശത്തുള്ള പള്ളിയില്‍

ഇശാ നിസ്ക്കാര ശേഷം
ന്യൂ മുസ്വഫ മില്ലെനിയം സൂപ്പര്‍മാര്‍ക്കറ്റിനടുത്തുള്ള പള്ളിയില്‍

ഏവര്‍ക്കും സ്വാഗതം..
എല്ലാവര്‍ക്കും പുതുവത്സരാശംസകള്‍!
എസ്‌.വൈ എസ്‌ മുസ്വഫ

എല്ലാ ഭീകരതയുടെയും അടിസ്ഥാനം സാമ്രാജ്യത്വ അധിനിവേശങ്ങള്‍, പി.കെ.എം. സഖാഫി

2008-12-24T10:25:00.000+04:00

ഇന്ന് ലോക്‌ ജന്ത നേരിടുന്ന എല്ലാ ഭീകരതയുടെയും അടിസ്ഥാനം സാമ്രാജ്യത്വ അധിനിവേശങ്ങളാണെന്നും ,ലോകം നേരിടുന്ന എക്കാലത്തെയു വലിയ ഭീകരത സാമ്രാജ്യത്വ ഭീകരതയാണെന്നും സാമ്രാജ്യത്വ ഭീകരത ഇല്ലാതാവുന്നതോടെ മറ്റ്‌ ഭീകര പ്രവര്‍ത്തനങ്ങളും ഒരു പരിധിവരെ താനെ ഇല്ലാതാവുമെന്നും പി.കെ. എം. സഖഫി ഇരിങ്ങല്ലൂര്‍ പറഞ്ഞു. ഇസ്ലാം സമാധാനത്തിന്റെയും സാഹോദര്യത്തിന്റെയും മതമാണ്. കൊടിയ ശത്രുക്കളോട്‌ പോലും മാപ്പ്‌ കൊടുത്ത പാരമ്പര്യമാണു ഇസ്ലാമിനുള്ളത്‌. അടര്‍ത്തിയെടുത്ത ചില ഖു ര്‍ ആന്‍ വചനങ്ങള്‍ ദുര്‍ വ്യാഖ്യാനം ചെയ്ത്‌ അന്യ മതസ്ഥര്‍ക്ക്‌ നേരേ വിദ്വേഷം വളര്‍ത്താന്‍ ശ്രമിക്കുന്ന ഒരു ചെറിയ വിഭാഗത്തിന്റെ പ്രവര്‍ത്തനങ്ങള്‍ ഇസ്ലാമിനും മുസ്ലിംങ്ങള്‍ക്കും ഗുണം ചെയ്യുകയില്ല. അത്തരം പ്രവര്‍ത്തനങ്ങളുമായി നടക്കുന്നവരെ കരുതിയിരിക്കണമെന്നും യഥാര്‍ത്ഥ ഇസ്ലാമിനെ പരിചയപ്പെടുത്തുന്നതില്‍ ഇസ്ലാമിക പ്രബോധകരും പ്രചാരകരും ശ്രദ്ധ കേന്ദ്രീകരിക്കണമെന്നു ഇരിങ്ങല്ലൂര്‍ ഓര്‍മ്മിപ്പിച്ചു.

മര്‍കസ്‌ പോലുള്ള മഹത്തായ സ്ഥാപനങ്ങള്‍ ലക്ഷ്യം വെക്കുന്നതും അതാണ്. സമ്മേളനത്തോടനുബന്ദിച്ച്‌ നടപ്പാക്കാനുദ്ദേശിക്കുന്ന വിവിധ ജീവകാരുണ്യ -വിദ്യഭ്യാസ്‌ പ്രവര്‍ത്തനങ്ങളിലും പങ്ക്‌ ചേരുവാന്‍ സഖാഫി ആഹ്വാന ചെയ്തു

പ്രരചണസമിതി ചെയര്‍മാന്‍ മുഹമ്മദ്‌ കുട്ടി ഹാജി അദ്ധ്യക്ഷനായിരുന്നു. അബൂബക്കര്‍ മുസ്ലിയാര്‍ ഓമച്ചപ്പുഴ ,അബ്‌ദുല്‍ ഹമീദ്‌ സദി തുടങ്ങിയവര്‍ സംസാരിച്ചു.

മര്‍കസ്‌ സമ്മേളന പ്രചരണ സംഗമം

2008-12-23T09:25:00.001+04:00

മുസ്വഫ എസ്‌.വൈ.എസ്‌. കമ്മിറ്റിയും, മര്‍കസ്‌ കമ്മിറ്റിയും സംയുക്തമായി സംഘടിപ്പിക്കുന്ന മര്‍കസുസ്സഖാഫത്തി സ്സുന്നിയ സമ്മേളന പ്രചരണ സംഗമം ഇന്ന് ശഅബിയ പത്തിലെ ഫാമിലി ഹോട്ടലിനടുത്തുള്ള പള്ളിയില്‍ ഇശാ നിസ്കാരത്തിനു ശേഷം നടക്കുന്നതാണ്.

എസ്‌.എസ്‌.എഫ്‌ മുന്‍ സംസ്ഥാന പ്രസിഡണ്ട്‌ പി.കെ.എം.സഖാഫി ഇരിങ്ങല്ലൂര്‍ പ്രസംഗിക്കുന്നതാണ്കൂടുതല്‍ വിവരങ്ങള്‍ക്ക്‌ വിളിക്കുക 050-6720786

കഥാ പ്രസംഗം ശ്രദ്ധേയമായി !

2008-12-22T16:41:00.004+04:00

ഹിജ്‌റ പുതുവര്‍ഷ ആഘോഷങ്ങളുടെ ഭാഗമായി മുസ്വഫ എസ്‌.വൈ.എസ്‌. ഇസ്‌ ലാമിക ചരിത്ര കഥാ പ്രസംഗം സംഘടിപ്പിച്ചു. മുസ്വഫ ശഅബിയ പത്തിലെ ശംസ ഓഡിറ്റോറിയത്തില്‍ പ്രസിദ്ധ കാഥികന്‍ എം.എം. പൊയില്‍ അവതരിപ്പിച്ച ഉഹ്‌ ദിലെ രക്തസാക്ഷി എന്ന കഥാ പ്രസംഗം ഏറെ ആകര്‍ശണീയമായിരുന്നു. പിന്നണിയില്‍ കാസിം പുത്തൂര്‍ ,നൗഷാദ്‌ ചേലമ്പ്ര എന്നിവര്‍ ഗാനങ്ങള്‍ ആലപിച്ചു. കേരളത്തിന്റെ ഗ്രാമന്തരങ്ങളില്‍ മുന്‍കാലങ്ങളില്‍ നടന്നിരുന്ന കഥാ പ്രസംഗ വേദികളില്‍ തിങ്ങി നിറഞ്ഞിരുന്ന സദസ്സിനെ ഓര്‍മ്മിപ്പിക്കുന്നതായിരുന്നു മുസ്വഫയിലെ വിവിധ ഏരിയകളില്‍ നിന്ന് എത്തിയ സ്ത്രീകളും വിദ്യാര്‍ത്ഥികളും അടങ്ങിയ സദസ്സ്‌.

മുസ്വഫ എസ്‌.വൈ.എസ്‌ ആക്റ്റിംഗ്‌ പ്രസിഡണ്ട്‌ അബ്‌ദുല്ലകുട്ടി ഹാജി അദ്ധ്യക്ഷത വഹിച്ച പരിപാടിയില്‍ ലൈഫ്‌ ലൈന്‍ ഹോസ്പിറ്റല്‍ (മുസ്വഫ )മാനേജര്‍ അഡ്വ. എസ്‌.കെ. അബ്ദുല്ല ആശംസ പ്രസംഗം നടത്തി. പി.പി.എ. കല്‍ത്തറ സ്വാഗതവും അബ്‌ദുല്‍ ഹമീദ്‌ സഅദി നന്ദിയും രേഖപ്പെടുത്തി.

മുസ്വഫ എസ്‌. വൈ.എസ്‌. സംഘടിപ്പിച്ച ഇസ്‌ ലാമിക കഥാ പ്രസംഗവേദിയില്‍. കാഥികന്‍ എം.എം. പൊയില്‍ (വലത്തെയറ്റം ), നൗഷാദ്‌ ചേലമ്പ്ര, കാസിം പുത്തൂര്‍

സദസ്സ്‌ ഒരു വീക്ഷണം

‍ലൈഫ്‌ ലൈന്‍ ഹോസ്പിറ്റല്‍ (മുസ്വഫ) മാനേജര്‍ അഡ്വ എസ്‌.കെ. അബ്ദുല്ല

ആശംസ പ്രസംഗം നടത്തുന്നു.

ചരിത്ര കഥാ പ്രസംഗം

2008-12-20T12:45:00.002+04:00

ചരിത്ര കഥാ പ്രസംഗം മുസ്വഫയില്‍

ഉത്തരവാദിത്വങ്ങൾ നിർവ്വഹിക്കുന്നവരാവണം വിശ്വാസികൾ

2008-12-08T10:36:00.002+04:00

അറഫാ ദിന സംഗമം

ന്യൂ മുസ്വഫ നാഷണൽ ക്യാമ്പിനു സമീപമുള്ള പള്ളിയിൽ നടന്ന

അറഫാ ദിന സംഗമത്തിൽ യുവ പണ്ഡിതൻ കെ.കെ.എം. സഅദി

ഉദ്‌ ബോധന പ്രസംഗം നടത്തുന്നു

അവകാശങ്ങളെപറ്റി ബോധവാന്മാരാവുന്നതിലുപരി ഉത്തരവാദിത്വങ്ങൾ നിർവ്വഹിക്കുന്നവരാവണം വിശ്വാസികൾ എന്ന് കെ.കെ.എം. സഅദി പറഞ്ഞു. മുസ്വഫ എസ്‌.വൈ.എസ്‌ സംഘടിപ്പിച്ച അറഫാ ദിന -ആത്മീയ സംഗമത്തിൽ ഉദ്ബോദന പ്രസംഗം നടത്തുകയായിരുന്നു അദ്ധേഹം. ഹജ്ജത്തുൽ വിദാഅ് (വിട പറയൽ പ്രസംഗം ) വേളയിൽ ലക്ഷക്കണക്കിനു അനുയായികളോടായി മുഹമ്മദ്‌ നബി (സ) തങ്ങൾ ചെയ്ത മഹത്തായ പ്രസംഗം സമ കാലിക സംഭവവികാസങ്ങളിൽ ലോകത്തിനു മുഴുവൻ വിചിന്തനത്തിനു വഴിതെളിയിക്കുന്നതാണ് സഅദി ഓർമ്മിപ്പിച്ചു.

മുസ്വഫ എസ്‌.വൈ.എസ്‌. ജനറൽ സെക്രട്ടറി അബ്‌ ദുൽ ഹമീദ്‌ സഅദി പ്രാർത്ഥനാ വേദിയ്ക്ക്‌ നേതൃത്വം നൽകി.

ആഗോള സാമ്പത്തിക പ്രതിസന്ധി ;ചര്‍ച്ചാ വേദി

2008-12-06T16:17:00.002+04:00

ആഗോള സാമ്പത്തിക പ്രതിസന്ധിയും ഇസ്‌ലാമിക പരിഹാരവും എന്ന വിഷയത്തില്‍ മുസ്വഫ എസ്‌.വൈ.എസ്‌. ന്യൂ മുസ്വഫ നാഷണല്‍ ക്യാമ്പിനു സമീപമുള്ള പള്ളിയില്‍ സംഘടിപ്പിച്ച ചര്‍ച്ചാ വേദിയില്‍ മുഹമ്മദലി സഖാഫി തൃക്കരിപ്പൂര്‍, അബ്‌ ദുല്‍ഹമീദ്‌ സ അദി ഈശ്വര മംഗലം, കെ.കെ.എം. സഅദി, അബ്‌ ദുല്‍ ഹമീദ്‌ മുസ്‌ ലിയാര്‍, ആറളം അബ്‌ ദുറഹ്‌ മാന്‍ മുസ്ലിയാര്‍ തുടങ്ങി നിരവധി പണ്ഡിതന്മാര്‍ സംബന്ധിച്ചു. സദസില്‍ നിന്നുള്ള ചോദ്യങ്ങള്‍ക്ക്‌ മുഹമ്മദലി സഖാഫി മറുപടി നല്‍കി

മുഹമ്മദലി സഖാഫി തൃക്കരിപ്പൂര്‍ പ്രസംഗിക്കുന്നു.
സദസ്സ്‌

ഐക്യദാഢ്യ സംഗമത്തില്‍

2008-12-03T16:55:00.009+04:00

ഐക്യവും സമാധാനവും യു.എ.ഇ. യുടെ മുഖമുദ്ര; കെ.കെ.എം. സഅദി

മുസ്വഫ :ഐക്യവും സമാധാനവുമാണ് വളരെ ചുരുങ്ങിയ കാലയളവില്‍ ലോകത്തിനു മാതൃകയായി വളര്‍ന്ന യു.എ.ഇ യുടെ മുഖമുദ്രയെന്ന് കെ.കെ. എം. സഅദിപറഞ്ഞു. യു.എ.ഇ. യുടെ 37 മത്‌ നാഷണല്‍ ഡേ ആഘോഷങ്ങളുടെ ഭാഗമായി സംഘടിപ്പിച്ച ഐക്യദാഢ്യ സംഗമത്തില്‍ മുഖ്യ പ്രഭാഷണം നടത്തുകയായിരുന്നു അദ്ധേഹം. പൂര്‍വ്വ സൂരികള്‍ കാണിച്ചു തന്ന പാതയില്‍ ഐക്യത്തോടെ ആദര്‍ശത്തിനു വേണ്ടിയും നാടിനു വേണ്ടിയും നിലകൊള്ളേണ്ട ആവശ്യകത സഅദി ഓര്‍മ്മിപ്പിച്ചു. മുസ്വഫ ശഅബിയ പത്തിലെ ശംസ ഓഡിറ്റോറിയത്തില്‍ 2-12-2008 കാലത്ത്‌ 8.30 മുതല്‍ 12 മണി വരെ നടന്ന പരിപാടികളില്‍ മുസ്വഫ എസ്‌.വൈ.എസ്‌. മദ്രസാ വിദ്യാര്‍ത്ഥികള്‍ യു.എ.ഇ. ദേശീയ ഗാനം ആലപിച്ചു. മദ്രസാ വിദ്യാര്‍ത്ഥികള്‍ അവതരിപ്പിച്ച ദഫ്‌ പ്രകടനം ഏറെ ശ്രദ്ധേയമായി. പി.പി.എ. റ ഹ്‌ മാന്‍ മൗലവി നയിച്ച ബുര്‍ദ ആസ്വാദനവും , ഹബീബ്‌ കൊടുവള്ളി, അബൂബക്കര്‍ മുസ്ലിയാര്‍ വെള്ളാര്‍കുളം , മിഖ്ദാദ്‌ ,മിദ്ലാജ്‌ തുടങ്ങിയവര്‍ ഗാന വിരുന്നില്‍ ഗാനങ്ങള്‍ ആലപിച്ചു. യു.എ.ഇ യുടെ രാഷ്ട്രപിതാവ്‌ ശൈഖ്‌ സായിദിനെ പ്രകീര്‍ത്തിച്ച്‌ രചിച്ച ഗാനം രചയിതാവായ അബ്‌ ദു ശുക്കൂര്‍ തന്നെ ആലപിച്ചു. മുസ്വഫ എസ്‌.വൈ.എസ്‌. കമ്മിറ്റി ആക്റ്റിംഗ്‌ പ്രസിഡണ്ട്‌ അബ്‌ ദുല്ല കുട്ടി ഹാജി അദ്ധ്യക്ഷത വഹിച്ച സംഗമം മദ്രസ പ്രധാന അധ്യാപകന്‍ അബ്‌ദുല്‍ ഹമീദ്‌ മുസ്ലിയാര്‍ സംഗമം ഉദ്ഘാടനം ചെയ്തു.

കെ.കെ. എം. സഅദി പ്രസംഗിക്കുന്നു. വേദിയില്‍ അബ്‌ദുല്‍ ഹമീദ്‌ മുസ്ലിയാര്‍

സദസ്സ്‌

സദസ്സ്‌ ഒരു വീക്ഷണം

മിഖ്‌ദാദ്‌ & മിദ്‌ ലാജ്‌

അബ്ദുശുക്കൂര്‍ രചിച്ച ശൈഖ്‌ സായിദ്‌ പ്രകീര്‍ത്തന ഗാനം
രചയിതാവ്‌ തന്ന ആലപിക്കുന്നു

അബൂബക്കര്‍ മുസ്ലിയാര്‍ വെള്ളാര്‍കുളം

ഗാനവിരുന്നില്‍, ഹബീബ്‌ കൊടുവള്ളി

യു.എ.ഇ. ദേശീയ ഗാനാലാപനം

മദ്രസ്സാ വിദ്യാര്‍ത്ഥികളുടെ ദഫ്‌ പ്രകടനം

ഐക്യദാര്‍ഢ്യ സംഗമം 2-12-08

2008-12-01T12:15:00.002+04:00

യു.എ.ഇ യുടെ 37th നാഷണല്‍ ഡേ ആഘോഷങ്ങളുടെ ഭാഗമായി മുസ്വഫ എസ്‌.വൈ.എസ്‌. ഒരുക്കുന്നു ഐക്യദാര്‍ഢ്യ സംഗമം

ഭീകരാക്രമണം ;മുസ്വഫ എസ്‌.വൈ.എസ്‌. അപലപിച്ചു

2008-11-29T09:00:00.002+04:00

മുസ്വഫ: ലോകത്തെ നടുക്കി ഇന്ത്യാ മഹാരാജ്യത്തിന്റെ സുപ്രധാന നഗരത്തിന്റെ ഹൃദയഭാഗങ്ങളില്‍ നികൃഷ്ടമായ രീതിയില്‍ നടന്ന ഭീകരാക്രമണത്തെ മുസ്വഫ എസ്‌.വൈ.എസ്‌. എക്സിക്യൂട്ടീവ്‌ കമ്മിറ്റി ശക്തമായി അപലപിക്കുകയും അഗാതമായ ദു:ഖം രേഖപ്പെടുത്തുകയും ചെയ്തു. സൈന്യത്തിന്റെ നടപടികളെ അനുമോദിച്ച യോഗം ആഭ്യന്തര സുരക്ഷാ കാര്യങ്ങളില്‍ വന്ന വീഴ്ചകളും ഭീകര ആക്രമണത്തിന്റെ യഥാര്‍ത്ഥ ഉറവിടവും അന്വേഷണ വിധേയമാക്കണമെന്നും ആവശ്യപ്പെട്ടു. മാധ്യമങ്ങള്‍ അവാസ്താവമായ റിപ്പോര്‍ട്ടുകള്‍ നല്‍കി തെറ്റിദ്ധാരണ പരത്തുന്ന പ്രവണത അവസാനിപ്പിക്കേണ്ട സമയം അതിക്രമിച്ചിരിക്കയാണെന്നും യോഗം വിലയിരുത്തി. രാജ്യത്ത്‌ സമാധാനം നില നില്‍ക്കുന്നതിനും രാജ്യരക്ഷയ്ക്കുമായി മുസ്വഫ ഏരിയയിലെ വിവിധ പള്ളികളിലും സംഘടനാ ക്ലാസുകളിലും പ്രത്യേകം പ്രാര്‍ത്ഥനകള്‍ നടത്തുവാനും തീരുമാനിച്ചു.

പ്രസിഡണ്ട്‌ ഒ.ഹൈദര്‍ മുസ്ലിയാര്‍, വര്‍ക്കിംഗ്‌ പ്രസിഡണ്ട്‌ മുസ്തഫ ദാരിമി, ജന.സെക്രട്ടറി. അബ്‌ദുല്‍ ഹമീദ്‌ സഅദി തുടങ്ങിയവര്‍ സംബന്ധിച്ചു.

reporty by

അബൂബക്കര്‍ ഓമച്ചപ്പുഴ

സ്വലാത്തുന്നാരിയ മജ്‌ലിസില്‍ ഖലീല്‍ ബുഖാരി തങ്ങള്‍

2008-11-26T11:30:00.004+04:00

ന്യൂ മുസ്വഫ നാഷണല്‍ ക്യാമ്പിനടുത്തുള്ള പള്ളിയില്‍ എല്ലാ തിങ്കളാഴ്ചകളിലും ഇശാ നിസ്കാര ശേഷം നടക്കുന്ന സ്വലാത്തുന്നാരിയ മജ്‌ ലിസില്‍ ഖലീല്‍ ബുഖാരി തങ്ങള്‍ പങ്കെടുത്തപ്പോള്‍.

തജ്‌വീദ്‌ പഠന വേദി മുസ്വഫ ശഅബിയ 10ല്‍

2008-11-22T11:24:00.003+04:00

മുസ്വഫ ശഅബിയ 10ല്‍ ആരംഭിച്ച ഖുര്‍ആന്‍ തജ്‌വീദ്‌ (പാരായണ ശാസ്ത്രം ) പഠന വേദിയില്‍ ഹാഫിള് അബ്‌ ദുറഷീദ്‌ സഖാഫി ക്ലാസ്‌ നയിക്കുന്നു

ക്ലാസില്‍ പങ്കെടുക്കാനെത്തിയവര്‍

സാഹചര്യങ്ങളില്‍ നിന്ന് വികാരം വാങ്ങേണ്ടവരല്ല മുസ്ലിംങ്ങള്‍; കെ.കെ.എം. സഅദി

2008-11-20T10:09:00.006+04:00

മുസ്വഫ : സാഹചര്യങ്ങളില്‍ നിന്ന് വികാരം വാങ്ങേണ്ടവരല്ല മറിച്ച്‌ പ്രമാണങ്ങളില്‍ നിന്ന് വിചാരം കൈവെരേണ്ടവരാണു മുസ്ലിംങ്ങള്‍ എന്ന് പ്രമുഖ യുവ പണ്ഡിതനും വാഗ്മിയുമായ കെ.കെ.എം. സഅദി പ്രസ്താവിച്ചു. മുസ്വഫ എസ്‌.വൈ.എസ്‌. നടത്തുന്ന തീവ്രവാദ വിരുദ്ധ കാമ്പയിന്റെ ഭാഗമായി മുസ്വഫ ശഅബിയ പത്തിലെ പള്ളിയില്‍ നടന്ന തീവ്രവാദ വിരുദ്ധ സംഗമത്തില്‍ 'തീവ്രവാദം, ഭീകരത, ജിഹാദ്‌ ' എന്ന വിഷയത്തില്‍ വിശദീകരണ പ്രസംഗം നടത്തുകയായിരുന്നു അദ്ധേഹം.

ഇസ്ലാം വിഭാവനം ചെയ്യുന്നത്‌ സമാധാനവും സാഹോദര്യവുമാണ് . ഇസ്ലാം അനുസരിച്ച്‌ ജീവിക്കുന്ന മുസ്ലിമും ആ തലത്തിലായിരിക്കണം മാതൃകയാവേണ്ടത്‌. മസ്‌ജിദുല്‍ ഹറാമില്‍ ആരാധന നിര്‍വഹിക്കുന്നതില്‍ നിന്ന് മുസ്ലിംങ്ങളെ തടഞ്ഞ അവിശ്വാസികളോട്‌ പോലും അതിക്രമം പ്രവര്‍ത്തിക്കരുതെന്ന് കല്‍പ്പിച്ച ഇസ്ലാമിന്റെ അധ്യാപനങ്ങളെ തെറ്റായി വ്യാഖ്യാനിച്ച്‌ സമൂഹത്തിലും സമുദായത്തിലും ചിദ്രതയുണ്ടാക്കുന്ന എന്‍.ഡി.എഫ്‌. അടക്കമുള്ള സംഘടനകള്‍ ഉറങ്ങിക്കിടക്കുന്ന കുഴപ്പം എന്ന സിംഹത്തെ ഉണര്‍ത്തുകയാണു ചെയ്യുന്നതെന്ന് കെ.കെ.എം. പറഞ്ഞു. ജിഹാദ്‌ എന്ന പദം സായുധ പോരാട്ടമാണെന്ന അര്‍ത്ഥത്തിലെടുത്ത്‌ വിശുദ്ധ വചനങ്ങള്‍ ദുര്‍വ്യാഖ്യാനം ചെയ്യുന്നവര്‍ സ്വന്തം ശരീരത്തിനോടാണു നമ്മുടെ അത്യ്ന്തികമായ ജിഹാദ്‌ വേണ്ടതെന്ന വസ്ഥുത ബോധപൂര്‍വ്വം മറച്ച്‌ വെക്കുന്നു. സഅദി കൂട്ടിച്ചേര്‍ത്തു.

സംഗമത്തില്‍ മുസ്വഫ എസ്‌.വൈ.എസ്‌. പ്രസിഡണ്ട്‌ ഒ.ഹൈദര്‍ മുസ്‌ലിയാര്‍, വര്‍ക്കിംഗ്‌ പ്രസിഡണ്ട്‌ മുസ്തഫ ദാരിമി, ജന:സെക്രട്ടറി അബ്‌ദുല്‍ ഹമീദ്‌ സഅദി, അബ്‌ദുല്ലകുട്ടി ഹാജി തുടങ്ങിയവര്‍ പങ്കെടുത്തു. വിശദീകരണ പ്രസംഗത്തിന്റെ വി.സി.ഡി കള്‍ ഉടന്‍ പ്രകാശനം ചെയ്യുന്നതാണെന്ന് സംഘാടകര്‍ അറിയിച്ചു.

ജീവകാരുണ്യം ആയുര്‍ദൈര്‍ഘ്യം വര്‍ദ്ധിപ്പിക്കും;ഖലീല്‍ തങ്ങള്‍

2008-11-18T12:39:00.004+04:00

‍സഹജീവികളുടെ വിഷമങ്ങളും ബുദ്ധിമുട്ടുകളും മനസ്സിലാക്കി അവര്‍ക്ക്‌ ആശ്വാസമേകുന്നവിധത്തില്‍ ജീവകാരുണ്യപ്രവര്‍ത്തനങ്ങള്‍ നടത്തുന്നത്‌ ആയുസ്സ്‌ വര്‍ദ്ധിക്കന്‍ ഉതകുന്നതാണെന്ന് മഅദിന്‍ സ്ഥാപനങ്ങളുടെ ചെയര്‍മാന്‍ സയ്യിദ്‌ ഇബ്‌റാഹിം ഖലീലുല്‍ ബുഖാരി തങ്ങള്‍ പറഞ്ഞു. മുസ്വഫ എസ്‌.വൈ..എസ്‌ കമ്മിറ്റിയുടെ കീഴില്‍ രൂപീകരിച്ച റിലീഫ്‌ സെല്‍ ഫണ്ട്‌ ഉത്ഘാടനം ചെയ്ത്‌ പ്രസംഗിക്കുകയായിരുന്നു അദ്ധേഹം.

ജീവ കാരുണ്യ പ്രവര്‍ത്തനങ്ങളില്‍ ഏര്‍പ്പെടുന്ന ഒരു വ്യക്തി അയാള്‍ക്ക്‌ കണക്കാക്കെപ്പെട്ട നിശ്ചിത ആയുസ്സിനുള്ളില്‍ മറ്റ്‌ ആളുകളേക്കാള്‍ കൂടുതലായി നന്മകള്‍ ചെയ്യുന്നതിലൂടെ അവരുടെ ആയുസ്സിനേക്കാള്‍ കൂടുതല്‍ ആത്മിയമായ ഉന്നതിയും കൈവരിക്കാനാവുന്നു. മാരകമായ രോഗ ബാധിതര്‍ക്കും വളരെ പാവപ്പെട്ടവര്‍ക്ക്‌ വിവാഹ, വീടു നിര്‍മ്മാണ ആവശ്യങ്ങള്‍ക്കും ഉതകുന്ന വിതത്തില്‍ സംവിധാനിച്ചിരിക്കുന്ന മുസ്വഫ എസ്‌.വൈ.എസ്‌. റിലീഫ്‌ സെല്ലിന്റെ പ്രവര്‍ത്തനങ്ങളുമായി സഹകരിക്കുവാന്‍ ഖലീല്‍ തങ്ങള്‍ അഭ്യര്‍ത്ഥിച്ചു. മുസ്തഫ ദാരിമി , ഒ.ഹൈദര്‍ മുസ്ലിയാര്‍, അബ്‌ ദുല്‍ ഹമീദ സ അദി , ബനിയാസ്‌ സ്പൈക്‌ അബ്‌ ദുറഹ്‌മാന്‍ ഹാജി, പ്രൊഫ. ഷാജു ജമാലുദ്ധീന്‍ തുടങ്ങി നിരവധി പേര്‍ സംബന്ധിച്ചു.

തീവ്രവാദം, ഭീകരത, ജിഹാദ്‌ ;വിശദീകരണ സംഗമം ഇന്ന് മുസ്വഫയില്‍

2008-11-18T09:57:00.003+04:00

‍മുസ്വഫ എസ്‌.വൈ.എസ്‌ കമ്മിറ്റി നടത്തുന്ന തീവ്രവാദ വിരുദ്ധ കാമ്പയിന്റെ ഭാഗമായി 18-11-2008 നു ചൊവ്വാഴ്ച രാത്രി മുസ്വഫ ശഅബിയ പത്തില്‍ ഫാമിലി റെസ്റ്റോറന്റിനു സമീപമുള്ള പള്ളിയില്‍ ഇശാ നിസ്കാര ശേഷം വിശദീകരണ സംഗമം സംഘടിപ്പിക്കുന്നു.

വിഷയാവതരണം . കെ.കെ.എം. സഅദി

പ്രമുഖര്‍ സംബന്ധിക്കുന്നു.

വിശദ വിവരങ്ങള്‍ക്ക്‌ 02-5523491 / 050 6720786

ഖുര്‍ആന്‍ തജ്‌വീദ്‌ ക്ലാസ്‌ ഇന്ന് ആരംഭിക്കുന്നു

2008-11-12T15:05:00.001+04:00

മുസ്വഫ എസ്‌.വൈ.എസ്‌. കമ്മിറ്റിയുടെ ആഭിമുഖ്യത്തില്‍ വിശുദ്ധ ഖുര്‍ആന്‍ പാരായണ ശാസ്ത്രം പഠിക്കുവാന്‍ വേദിയൊരുക്കുന്നു.

ഇന്ന് 12-11-08 മുതല്‍ എല്ലാ ബുധനാഴ്ചയും രാത്രി ഇശാ നിസ്കാര ശേഷം മുസ്വഫ ശഅബിയ പത്തിലെ ഫാമിലി ഹോട്ടലിനു സമീപമുള്ള പള്ളിയില്‍ വെച്ച്‌ ഒരു മണിക്കൂര്‍ സമയമായിരിക്കും ക്ലാസ്‌ നടക്കുക. ഹാഫിള് അബ്‌ദുറഷീദ്‌ സഖാഫി ക്ലാസ്‌ നയിക്കും

കൂടുതല്‍ വിവരങ്ങള്‍ക്ക്‌ വിളിക്കുക 02-5523491

തീവ്രവാദ വിരുദ്ധ സംഗമം മുസ്വഫയില്‍

2008-11-11T12:13:00.004+04:00

‍ഭീകരവാദത്തിനും തീവ്രവാദത്തിനുമെതിരെ സമൂഹത്തെ ബോധവത്കരിക്കാന്‍ സമസ്തകേരള ജംഇയ്യത്തുല്‍ ഉലമസംഘടിപ്പിക്കുന്ന കാമ്പയിനിനിന്റെ ഭാഗമായി കോഴിക്കോട്‌ 12-11-08 നടക്കുന്ന ഭീകര വിരുദ്ധ സമ്മേളനത്തിനു മുസ്വഫ എസ്‌.വൈ.എസ്‌. ഐക്യദാര്‍ഢ്യം പ്രഖ്യാപിച്ചു.

തീവ്രവാദവും ഭീകരവാദവും മതത്തിന്റെ പേരിലായാലും രാഷ്ടീയ നേട്ടങ്ങള്‍ക്ക്‌ വേണ്ടിയയാലും ഒറ്റക്കെട്ടായി ചെറുത്ത്‌ പരാജയപ്പെടുത്തേണ്ടതാണെന്നും , സാമ്പത്തിക നേട്ടത്തിനു വേണ്ടിയും മറ്റും മതത്തിനെ ചിഹ്നങ്ങള്‍ മറയാക്കി നിരപരാധികളെ കൊന്നൊടുക്കുന്നവര്‍ ശിക്ഷിക്കപ്പെടുകതന്നെ വേണം എന്നാല്‍ അതിന്റെ പേരില്‍ ഒരു സമുദായത്തെ മുഴുവനായി പ്രതിക്കൂട്ടിലാക്കുന്ന പ്രവണത മാധ്യമങ്ങള്‍ കൈകൊള്ളരുതെന്ന് വര്‍ക്കിംഗ്‌ പ്രസിഡണ്ട്‌ മുസ്തഫ ദാരിമി പ്രസ്താവിച്ചു.. മുസ്വഫ എസ്‌.വൈ.എസ്‌. എക്സ്കിക്യൂട്ടിവ്‌ യോഗത്തില്‍ പ്രസംഗിക്കുകയായിരുന്നു അദ്ധേഹം.

തീവ്രവാദ വിരുദ്ധ സംഗമം മുസ്വഫയില്‍ വിവിധ മേഖലകളില്‍ പ്രവര്‍ത്തിക്കുന്നവരെ ഉള്‍പ്പെടുത്തി സംഘടിപ്പിക്കുവാനും തീരുമാനിച്ചു. മുസ്വഫ എസ്‌.വൈ.എസ്‌. നടത്തിവരുന്ന ആത്മീയ സദസ്സുകളിലും പഠന വേദികളിലും നിരന്തരം ഉദ്ബോധനം നടത്തിവരുന്നതിനു പുറമെ ലഘുലേഖകളും പ്രത്യേകം പ്രസംഗങ്ങളും സംഘടിപ്പിക്കുന്നതാണ്. ജനസെക്രട്ടറി അബ്‌ദുല്‍ ഹമീദ്‌ സഅദി, പ്രസിഡണ്ട്‌ ഒ.ഹൈദര്‍ മുസ്ലിയാര്‍ തുടങ്ങിയവര്‍ സംസാരിച്ചു.

വിളക്ക്‌ ; ബ്ലോഗ്‌ പോസ്റ്റിംഗ്‌ തുടങ്ങി

2008-10-26T09:51:00.004+04:00

ഇസ്‌ലാമിക പഠനത്തിനായി വിളക്ക്‌ എന്ന ബ്ലോഗ്‌ പോസ്റ്റിംഗ്‌ തുടങ്ങി

മുസ്വഫ എസ്‌.വൈ.എസ്‌. ആസ്ഥാനമായ വാദിഹസനില്‍ ചേര്‍ന്ന ഉദ്ഘാടന ചടങ്ങില്‍ വര്‍ക്കിംഗ്‌ പ്രസിഡണ്ട്‌ മുസ്തഫ ദാരിമി അദ്ധ്യക്ഷനായിരുന്നു. ജന.സെക്രട്ടറി. അബ്‌ ദുല്‍ ഹമീദ്‌ സഅദി, കെ.കെ.എം. സഅദി, പ്രൊഫ. ഷാജു ജമാലുദ്ധിന്‍ തുടങ്ങിയവര്‍ പ്രസംഗിച്ചു. മുസ്വഫ എസ്‌.വൈ.എസ്‌. മദ്രസ വിദ്യാര്‍ത്ഥി മുഹമ്മദ്‌ മിദ്ലാജ്‌ ആദ്യം പോസ്റ്റ്‌ പബ്ലിഷ്‌ ചെയ്തു. പ്രമുഖ യുവപണ്ഡിതനും വാഗ്മിയുമായ കെ.കെ.എം. സഅദിയായിരിക്കും വഴികാട്ടി എന്ന പേരില്‍ ബ്ലോഗ്‌ നിയന്ത്രിക്കുക.

വായനക്കാര്‍ക്ക്‌ സംശയ നിവാരണത്തിനു ബ്ലോഗില്‍ കമന്റ്‌ ചേര്‍ക്കുയോ vilakk@gmail.com എന്ന ഇ-മെയിലില്‍ അയക്കാവുന്നതോ ആണ്.

http://vazhikaatti.blogspot.com/ എന്നതാണ് ബ്ലോഗിന്റെ അഡ്രസ്സ്‌.
കൂടുതല്‍ വിവരങ്ങള്‍ക്ക്‌ 02-5523491 / 050-5725411 എന്നീ നമ്പറുകളില്‍ വിളിക്കാവുന്നതാണ്

മുസ്തഫ ദാരിമി -അദ്ധ്യക്ഷപ്രസംഗം

അബ്‌ദുല്‍ ഹമീദ്‌ സഅദി - സ്വാഗതം

വഴികാട്ടി .കെ.കെ.എം.സഅദി

വിളക്ക്‌ , ബ്ലോഗ്‌ ഉദ്ഘാടനം ഇന്ന്

2008-10-25T09:27:00.005+04:00

വിജ്ഞാനത്തിന്റെ വെളിച്ചം വിതറി നിങ്ങളുടെ വഴിത്താരയില്‍ എന്നും വഴികാട്ടിയായി ഒരു വിളക്ക്‌

സന്ദര്‍ശിക്കുക http://vazhikaatti.blogspot.com/

മുസ്വഫ എസ്‌.വൈ.എസ്‌. ആസ്ഥാനമായ വാദിഹസനില്‍ പ്രമുഖര്‍ സംബന്ധിക്കുന്നസദസ്സില്‍ ,25/10/2008 രാത്രി 8.30 നു ആദ്യ പോസ്റ്റ്‌ പബ്ലിഷ്‌ ചെയ്യുന്നു.

പ്രൊഫ. ഷാജു ജമാലുദ്ധീന്‍, പ്രൊഫ. യു.സി അബ്‌ദുല്‍ മജീദ്‌, പി.വി. അബൂബക്കര്‍ മൗലവി, കെ.കെ.എം. സഅദി , മുസ്തഫ ദാരിമി, അബ്‌ദൂല്‍ ഹമീദ്‌ സഅദി തുടങ്ങി നിരവധി പ്രമുഖര്‍ സംബന്ധിക്കും.

ഇസ്ലാമികമായ വിഷയങ്ങളില്‍ നിങ്ങളുടെ ചോദ്യങ്ങളും സംശയങ്ങളും vilakk@gmail.com എന്ന ഇ- മെയിലില്‍ അയക്കാവുതാണ്‌.

വിശദ വിവരങ്ങള്‍ക്ക്‌ 02-5523491

മുസ്വഫ എസ്‌.വൈ.എസ്‌ റിലീഫ്‌ സെല്‍

2008-10-11T12:46:00.001+04:00

റിലീഫ്‌ പ്രവര്‍ത്തനങ്ങള്‍ വിപൂലീകരിക്കുന്നതിന്റെ ഭാഗമായി മുസ്വഫ എസ്‌.വൈ.എസ്‌. വിളിച്ചു ചേര്‍ത്ത എക്സിക്യൂട്ടിവ്‌ യോഗത്തില്‍ പുതിയതായി മുസ്വഫ എസ്‌.വൈ.എസ്‌. റിലീഫ്‌ സെല്‍ രൂപീകരിച്ചു .

മുഹമ്മദ്‌ കുട്ടി ഹാജി കൊടിഞ്ഞി (ചെയര്‍മാന്‍), അബ്‌ദുല്ലകുട്ടി ഹാജി (വൈസ്‌ ചെയര്‍മാന്‍ ), റഷീദ്കൊട്ടില (കണ്‍വീനര്‍ ), സിദ്ധീഖ്‌ വേങ്ങര ,അബൂബക്കര്‍ ടി.കെ (ജോ.കണ്‍ വീനര്‍മാര്‍ ), മുസ്തഫ ദാരിമി , അബ്‌ദുല്‍ ഹമീദ്‌ സഅദി , അബ്‌ദുല്ല വടുതല, ബഷീര്‍ വെള്ളറക്കാട്‌, റഫീഖ്‌ വടുതല (മെമ്പര്‍മാര്‍ ) ഉള്‍പ്പെടുന്ന കമ്മിറ്റിയായിരിക്കും റിലീഫ്‌ പ്രവര്‍ത്തനങ്ങള്‍ക്ക്‌ നേത്ര്യത്വം നല്‍കുക.

മാരകമായ രോഗങ്ങള്‍ ബാധിച്ചവര്‍ക്കുള്ള ചികിത്സാ സഹായം, വീട്‌ ഉണ്ടാക്കുന്നതിനും, വിവാഹ ആവശ്യത്തിനുമുള്ള സഹായം തുടങ്ങിയവയായിരിക്കും സെല്‍ ആദ്യമായി പരിഗണിക്കുക.

മുസ്വഫയില്‍ തസ്കിയത്ത്‌ ക്യാമ്പുകള്‍

2008-09-25T11:26:00.004+04:00

മുസ്വഫ എസ്‌.വൈ.എസ്‌. കമ്മിറ്റിയുടെയും വിവിധ സംഘാടക സമിതികളുടെയും ആഭിമുഖ്യത്തില്‍ മുസ്വഫയിലെ വിവിധ ഏരിയകളിലുള്ള നിരവധി പള്ളികള്‍ കേന്ദ്രീകരിച്ച്‌ 26-09-2008 വെള്ളിയാഴ്ച രാതി തറാവീഹ്‌ നിസ്കാരത്തിനു ശേഷം തസ്‌കിയത്ത്‌ ക്യാമ്പുകളും തസ്‌ബീഹ്‌ നിസ്കാരവും നടക്കുന്നതാണ്.

ന്യൂമുസ്വഫ നാഷണല്‍ ക്യാമ്പിനു സമീപമുള്ള പള്ളിയില്‍ അബ്‌ദുല്‍ ഹമീദ്‌ സഅദി ഈശ്വരമംഗലം ക്യമ്പ്‌ നയിക്കും. രാത്രി 12 മണിക്ക്‌ തസ്ബീഹ്‌ നിസ്കാരവും ഉണ്ടായിരിക്കും.

മുസ്വഫ ശഅബിയ പത്തിലെ ഫാമിലി റെസ്റ്റോറന്റിനു സമീപമുള്ള പള്ളിയില്‍ അബൂബക്കര്‍ മുസ്‌ലിയാര്‍ ഓമച്ചപ്പുഴയും, മുസ്വഫ പോലീസ്‌ സ്റ്റേഷനു സമീപമുള്ള പള്ളിയില്‍ ഗഫ്ഫാര്‍ സഅദി രണ്ടത്താണിയും, മുസ്വഫ സനാഇയ്യ 16 ലെ മാര്‍ക്കറ്റിനു പിറക്‌ വശത്തുള്ള പള്ളിയില്‍ ആറളം അബ്‌ദു റഹ്‌മാന്‍ മുസ്‌ ലിയാര്‍ , ന്യൂ മുസ്വഫ മില്ലെനിയം സൂപ്പര്‍മാര്‍ക്കറ്റിനു സമീപമുള്ള പള്ളിയില്‍ ഇബ്‌റാഹിം മുസ്‌ലിയാര്‍ തുടങ്ങിയവര്‍ തസ്‌കിയത്ത്‌ ക്യാമ്പിനും തസ്‌ബീഹ്‌ നിസ്കാരങ്ങള്‍ക്കും നേത്ര്യത്വം നല്‍കുന്നതാണ്.

കൂടുതല്‍ വിവരങ്ങള്‍ക്ക്‌ 02-523491 / 055-9134133 എന്ന നമ്പറുകളില്‍ വിളിക്കുക

ബറാഅത്ത്‌ രാവ്‌ ദുആ മജ്‌ ലിസുകള്‍

2008-08-14T10:21:00.002+04:00

ബറാഅത്ത്‌ രാവ്‌ ദുആ മജ്‌ലിസുകള്‍ നാളെ വെള്ളീയാഴ്ച വൈകീട്ട്‌ മഗ്‌രിബ്‌ നിസ്‌കാരത്തിനു ശേഷവും രാത്രി ഇശാ നിസ്‌കാരത്തിനു ശേഷവുമായി മുസ്വഫ ശഅബിയ , ന്യൂ മുസ്വഫ , സനഇയ്യ തുടങ്ങിയ ഏരിയകളില്‍ നടക്കുന്നതാണ്‌‍.

കെ.കെ.എം. സഅദി, അബ്‌ദുല്‍ ഹമീദ്‌ സഅദി, ആറളം അബ്‌ദുറഹ്മാന്‍ മുസ്ലിയാര്‍, ഇബ്രാഹിം മുസ്‌ലിയാര്‍ , മുസ്തഫ ദാരിമി തുടങ്ങിയവര്‍ നേത്ര്യത്വം നല്‍കുന്നതാണ്‌

കൂടുതല്‍ വിവരങ്ങള്‍ക്ക്‌ 02-5523491 / 055-9134144

ബറാഅത്ത്‌ രാവ്‌ വിശീകരണ പ്രസംഗം

2008-08-12T08:54:00.002+04:00

മുസ്വഫ എസ്‌.വൈ.എസ്‌. ബറാഅത്ത്‌ രാവ്‌ പരിപാടികളുടെ ഭാഗമായി ഇന്ന് രാത്രി 12-08-2008 നു ഇശാ നിസ്കാരത്തിനു ശേഷം ന്യൂ മുസ്വഫ നാഷണല്‍ ക്യമ്പിനടുത്തുള്ള പള്ളിയില്‍ പ്രമുഖ പണ്ഡിതനും പ്രഭാഷകനുമായ കെ.കെ.എം.സഅദിയുടെ ബറാഅത്ത്‌ രാവ്‌ വിശീകരണ പ്രസംഗം സഘടിപ്പിക്കുന്നു

കൂടുതല്‍ വിവരങ്ങള്‍ക്ക്‌ 02-5523491 / 055-9134144

ബുര്‍ദ മജ്‌ലിസ്‌

2008-08-07T09:10:00.000+04:00

മുസ്വഫ എസ്‌.വൈ.എസ്‌. കമ്മിറ്റിയുടെ ആഭിമുഖ്യത്തില്‍ നാളെ രാത്രി (8-08-2008 ) ഇശാ നിസ്കാരത്തിനു ശേഷം മുസ്വഫ ശഅബിയ 12 ലെ മദ്രസ്സയില്‍ ബുര്‍ദ മജ്‌ലിസ്‌ ഉണ്ടായിരിക്കുന്നതാണ്‌.

പി.പി.എ .റഹ്‌മാന്‍ മൗലവി കല്‍ത്തറ നേതൃത്വം നല്‍കും

വിശദ വിവരങ്ങള്‍ക്ക്‌ 02-5524773

സ്വീകരണവും ബദര്‍ മൗലിദ്‌ മജ്‌ലിസും

2008-08-07T09:05:00.002+04:00

മുസ്വഫ എസ്‌.വൈ.എസ്‌. സംഘടിപ്പിച്ച ഉംറ - സിയാറത്ത്‌ യാത്ര കഴിഞ്ഞ്‌ തിരിച്ചെത്തിയവര്‍ക്ക്‌ സ്വീകരണവും ബദര്‍ മൗലിദ്‌ മജ്‌ലിസും ഇന്ന് രാത്രി (7-08-2008 ) ഇശാ നിസ്കാരത്തിനു ശേഷം മുസ്വഫ എസ്‌.വൈ.എസ്‌. ആസ്ഥാനമായ വാദി ഹസനില്‍ നടക്കുന്നതാണ്‌.

വിശദ വിവരങ്ങള്‍ക്ക്‌ 055-9134144 / 02-5523491

ദുആ സമ്മേളനവും സ്വലാത്തുത്താജ്‌ മജ്‌ ലിസും

2008-07-30T12:16:00.005+04:00

മുസ്വഫ എസ്‌.വൈ.എസ്‌ സംഘടിപ്പിച്ച ഇസ്‌റാഅ മിഅറാജ്‌ ദിനത്തോടനുബന്ധിച്ച്‌ ദുആ സമ്മേളനത്തില്‍ അബ്‌ദുല്‍ഹമീദ്‌ ശര്‍വാനി പ്രസംഗിക്കുന്നു

മുസ്വഫ എസ്‌.വൈ.എസ്‌ ഇസ്‌റാഅ മിഅറാജ്‌ ദിനാചരണത്തിന്റെ ഭാഗമായി ദു ആ സമ്മേളനവും സ്വലാത്തുത്താജ്‌ മജ്‌ ലിസും സംഘടിപ്പിച്ചു. അബ്‌ ദുല്‍ ഹമീദ്‌ ശര്‍വാനി ഉദ്ബോധന പ്രഭാഷണം നടത്തി. അബ്‌ ദുല്‍ ഹമീദ്‌ സഅദി , അബൂബക്കര്‍ മുസ്ലിയാര്‍ ഓമച്ചപ്പുഴ, പി.പി. എ . കല്‍ത്തറ തുടങ്ങിയവര്‍ സംബന്ധിച്ചു.

ഇസ്‌റാഅ-മിഅറാജ്‌ ദിനാചരണവും ദുആ സമ്മേളനവും

2008-07-28T16:47:00.002+04:00

‍മുസ്വഫ എസ്‌.വൈ.എസ്‌. കമീറ്റി ഇസ്‌റാഅ -മിഅറാജ്‌ ദിനാചരണത്തിന്റെ ഭാഗമായി സംഘടിപ്പിക്കുന്ന ദുആ സമ്മേളനം മുസ്വഫ ശഅബിയ പത്തില്‍ ഫാമിലി ഹോട്ടലിനു സമീപമുള്ള പള്ളിയില്‍ 29-07-2008 നു ഇശാ നിസ്കാര ശേഷം നടക്കുന്നതാണ്‌.

പ്രമുഖ പണ്ഡിതര്‍ സംബന്ധിക്കുന്നതാണ്‌.
വിശദ വിവരങ്ങള്‍ക്ക്‌ 02-5523491 / 055-9134144

സ്വലാത്തുന്നാരിയ രണ്ടാം വാര്‍ഷികം

2008-07-27T15:37:00.002+04:00

മുസ്വഫ എസ്‌.വൈ.എസ്‌. കമ്മിറ്റി എല്ലാ തിങ്കളാഴ്ചകളിലും ന്യൂ മുസ്വഫ നാഷണല്‍ കാമ്പിനടുത്തുള്ള കാരവന്‍ ജുമാമസ്‌ജിദില്‍ സംഘടിപ്പിക്കുന്ന സ്വലാത്തുന്നാരിയ മജ്ലിസിന്റെ രണ്ടാം വാര്‍ഷിക സംഗമം 28/07/2008 തിങ്കളാഴ്ച ഇശാനിസ്കാര ശേഷം നടക്കുന്നതാണ്‌.

പ്രമുഖ പണ്ഡിതനമരും സാദാത്തീങ്ങളും പരിപാടിയില്‍ പങ്കെടുക്കുന്നതാണ്‌.

വിശദ വിവരങ്ങള്‍ക്ക്‌ 02 5523491 / 055-9134144

ഉംറസംഘം പുറപ്പെട്ടു

2008-07-26T14:39:00.002+04:00

ഉംറ സംഘത്തിനു നല്‍കിയ യാത്രയപ്പ്‌ യോഗത്തില്‍ അമീര്‍ കെ.കെ.എം. സഅദി പ്രസംഗിക്കുന്നു

മുസ്വഫ എസ്‌.വൈ.എസ്‌. സ്കൂള്‍ വെക്കേഷനില്‍ സംഘടിപ്പിച്ച ഉം റ-സിയാറത്ത്‌ യാത്രയുടെ രണ്ടാമത്‌ ബാച്ച്‌ മുസ്വഫ ശഅബിയയില്‍ നിന്ന് അമീര്‍ കെ.കെ.എം. സഅദി യുടെ കീഴില്‍ പുറപ്പെട്ടു. ശഅബിയ പത്തിലെ പള്ളിയില്‍ ചേര്‍ന്ന യാത്രയയപപ്പ്‌ യോഗത്തില്‍ മുസ്തഫ ദാരിമി, അബ്‌ദുല്‍ഹമീദ്‌ സഅദി, കെ.കെ.എം. സഅദി തുടങ്ങിയവര്‍ പ്രസംഗിച്ചു. ആഗസ്റ്റ്‌ 2 നു സംഘം തിരിച്ചെട്ട്തുന്നതാണ്

വിശുദ്ധ റമദാനില്‍ ഉംറ & സിയാറത്ത്‌ ;മുസ്വഫയില്‍ നിന്നും

2008-07-22T10:49:00.002+04:00

മുസ്വഫ എസ്‌.വൈ.എസ്‌ വിശുദ്ധ റമദാനില്‍ സംഘടിപ്പിക്കുന്ന ഉംറ & സിയാറത്ത്‌ യാത്രക്കുള്ള ബുക്കിംഗ്‌ ആരംഭിച്ചിരിക്കുന്നു.

സെപ്റ്റമ്പര്‍ 17 നു പുറപ്പെട്ട്‌ പെരുന്നാ‍ള്‍ നിസ്കാരം കഴിഞ്ഞ്‌ മദീനയില്‍ നിന്നും മടക്കയാത്ര (ഇ.അ)

അമീര്‍ :മുസ്തഫദാരിമി കടാങ്കോട്‌

പുണ്യസ്ഥലങ്ങളില്‍ സിയാറത്ത്‌
പ്രഗത്ഭ അമീറിന്റെ നേത്യത്വം
മെച്ചമായ യാത്രാസൗകര്യം

കൂടുതല്‍ വിവരങ്ങള്‍ക്കും, ബുക്കിംഗിനും
എസ്‌.വൈ.എസ്‌. ഓഫീസ്‌ : 02 5523491 /0559134144
എസ്‌.വൈ.എസ്‌. മദ്രസ്സ : 02 5524773
മുസ്തഫ ദാരിമി : 050 5311967 / 02 5546433
അബ്ദുല്‍ ഹമീദ്‌ സഅദി : 050 3223545
അബൂബക്കര്‍ മുസ്ലിയാര്‍ ഓമച്ചപ്പുഴ : 050 6720786
അറളം അബ്ദുറഹ്മാന്‍ മുസ്ലിയാര്‍ : 02 5547569 ( സനാഇയ്യ ഏരിയ )

എസ്‌.വൈ.എസ്‌. മുസ്വഫ അപലപിച്ചു

2008-07-21T09:34:00.000+04:00

വിദ്യഭ്യാസ മേഖലയിലെ പ്രശ്നങ്ങള്‍ കൊലപാതകത്തിലേക്കും അക്രമണങ്ങളിലേക്കും നീങ്ങുന്നത്‌ ആശാസ്യകരമല്ലെന്നും, വിവാദ പാഠപുസ്തകത്തിനെതിരെ നടന്ന സമരത്തിനിടെ അധ്യാപകന്‍ കൊല്ലപ്പെട്ടത്‌ ഖേദകരവും അപമാനകരവുമാണെന്ന്‌ മുസ്വഫ എസ്‌.വൈ.എസ്‌. എക്സിക്യൂട്ടീവ്‌ കമ്മിറ്റി പ്രസ്താവിച്ചു.

പ്രസിഡണ്ട്‌ ഹൈദര്‍ മുസ്ലിയാര്‍ , സെക്രട്ടറി അബ്ദുല്‍ ഹമീദ്‌ സഅദി, മുസ്തഫ ദാരിമി തുടങ്ങിയവര്‍ സംസാരിച്ചു

ഖ്വാജ മുഈനുദ്ധീന്‍ ചിശ്തി പ്രകീര്‍ത്തന വേദി

2008-07-16T11:38:00.003+04:00

അജ്‌മീര്‍ ഖ്വാജ മുഈനുദ്ധീന്‍ ചിശ്തി (റ)വിന്റെ ആണ്ടിനോടനുബന്ധിച്ച്‌ മുസ്വഫ എസ്‌.വൈ.എസ്‌. സംഘടിപ്പിച്ച പ്രകീര്‍ത്തന വേദി

കെ.കെ.എം. സഅദി ഖ്വാജ അനുസ്മരണ പ്രഭാഷണം നടത്തി. മുസ്തഫ ദാരിമി കടാങ്കോട്‌ , അബ്‌ദുല്‍ ഹമീദ്‌ സഅദി, അബൂബക്കര്‍ മുസ്ലിയാര്‍ ഓമച്ചപ്പുഴ, അബ്ദുല്‍ ഹമീദ്‌ ശര്‍വാനി തുടങ്ങിയവര്‍ സംബന്ധിച്ചു.

pb‌

അജിമീര്‍ ആണ്ട്‌ നേര്‍ച്ചയും അനുസ്മരണ പ്രഭാഷണവും

2008-07-13T10:34:00.002+04:00

മുസ്വഫ എസ്‌.വൈ.എസ്‌. കമ്മിറ്റി അജിമീര്‍ ഖാജാ മുഈനുദ്ധീന്‍ ചിശ്തി (റ) വിന്റെ ആണ്ട്‌ നേര്‍ച്ചയും ഖാജാ അനുസ്മരണ പ്രഭാഷണവും സംഘടിപ്പിക്കുന്നു.

15-07-2008 ചൊവ്വാഴ്ച ഇശാ നിസാരാനന്തരം മുസ്വഫ ശഅബിയ 10 ലെ ഫാമിലി റെസ്റ്റോറന്റിനു സമീപമുള്ള പള്ളിയില്‍ നടക്കുന്ന പരിപാടിയില്‍ കെ.കെ.എം.സഅദി അനുസമരണ പ്രഭാഷണം നടത്തും

02-5523491 / 055-9134144

ചൂഷണം ചെയ്യപ്പെടുന്ന ആത്മീയത ;കാമ്പയിന്‍ പ്രഭാഷണം

2008-07-12T16:49:00.003+04:00

ചൂഷണം ചെയ്യപ്പെടുന്ന ആത്മീയത എന്ന വിഷയത്തില്‍ മുസ്വഫ എസ്‌.വൈ.എസ്‌ സംഘടിപ്പിച്ച കാമ്പയിന്റെ സമാപനത്തോടനുബന്ധിച്ച്‌ നടന്ന സംഗമത്തില്‍ കൂറ്റമ്പാറ അബ്‌ദുറഹ്‌മാന്‍ ദാരിമി മുഖ്യ പ്രഭാഷണം നടത്തുന്നു.

മുസ്വഫ സനഇയ്യ 14 ലെ സനഇയ്യത്തുല്‍ അറബിയ്യ: കമ്പനി പള്ളിയില്‍ 10-07-2008 നു ഇശാ നിസ്കാര ശേഷം നടന്ന സംഗമത്തില്‍ പ്രസിഡണ്ട്‌ ഒ.ഹൈദര്‍ മുസ്ലിയാര്‍ അദ്ധ്യക്ഷനായിരുന്നു. മുസ്തഫ ദാരിമി കടാങ്കോട്‌, ആറളം അബ്‌ദുറഹ്‌മാന്‍ മുസ്ലിയാര്‍, അബ്‌ദുല്‍ ഹമീദ്‌ ശര്‍വാനി തുടങ്ങിയവര്‍ സംബന്ധിച്ചു.